सिम्रिक सहकारीद्वारा शेयर सदस्यहरुको परिवारमा औषधोपचारमा सहयोग

 २७ जेठ, काठमाडाैं ।  सिम्रिक बचत तथा ऋण सहकारी संस्था लि. बिर्तामोड ४ झापाले आफ्ना शेयर सदस्यहरुको परिवारमा औषधोपचारमा आर्थिक सहयोग गरेकाे छ ।  सहकारीले संस्था लि.मा आबद्ध भई नियमित रुपमा बचत तथा कर्जामा कारोबार गरिरहेका शेयर सदस्यहरुलाई परेका बिभिन्न समस्याहरुमा आर्थिक सहयोग गरेकाे हाे ।

 बिभाग प्रमूख याम बिष्टका अनुसार दानाबारी सेवा केन्द्रमा आबद्ध आफ्ना सदस्यहरु सुस्मिता चापागाँईलाई पाठेघरको समस्या भई पाठेघरको अप्रेसन गर्नु परेपछि परेको संस्थाले घरमै गएर अप्रेसन बापतको रकम  ९ हजार उपलब्ध गराएको छ ।

सदस्यको परिवारमा घटने दैबी घटनामा समेत सिम्रिक बचत तथा ऋण सहकारी संस्था लि. झापाले नगदै आर्थिक सहयोग गर्नाले सदस्यहरुमा संस्थाप्रति आकर्षण बढन थालेको छ । यस महिनामा संस्थाका शेयर सदस्य धनमायाँ राईको श्रीमानको मृत्यू भएकोमा राहत स्वरुप रु. ५ हजार र शेयर सदस्य रिता राईको श्रीमान् बिरामी हुँदा औषधि उपचार गर्नका लागि समेत नगदै ७ हजार ४ सय ५० प्रदान गरिएको संस्थाले जनाएकाे छ ।

यस्तै संस्थाले दमक सेवा केन्द्रमा सदस्य रहि बचत कारोबार गरिरहेकी बिद्या प्याकुरेललाई सुत्केरी भई अप्रेशन गर्नु पर्ने भएकोले निजको अप्रेशन खर्च बापत रु. ११ हजार उपलब्ध गराएकाे छ ।

दानाबारी सेवा केन्द्र अन्तर्गतनै धनराज विश्वकर्माकाे बुहारीको पाठेघरको अप्रेशन गर्न रु. ५ हजार ६ सय ९५ , शुकमायाँ राईलाई सुत्केरी सुबिधा बापत रु. ५ हजार, रामचन्द्र खनाललाई बुहारी सुत्केरी सुबिधा बापत ५ हजार घरमै गएर नगदै उपलब्ध गराउनुका साथै संस्थाबाट आफ्ना सदस्य बिरामीहरुलाई भेटी निरन्तर संस्था साथमा रहेको जानकारी गराउँदै हौसला प्रदान गर्ने गरिएको आई.टी प्रमूख याम बिष्टले बताए ।

नाफा कमाउने भन्दा पनि सदस्यहरुको सेवालाई आफ्नाे पहिलो कर्तब्य र जिम्मेबारी रहेको बताउने सिम्रिक बचत तथा ऋण सहकारी संस्था लि. बिर्तामोड ४ झापाको सदस्य सेव कार्यक्रमबाट प्रभावित भई अन्य सहकारी संस्था छोडि सिम्रिक सहकारीमा सदस्यहरुको आउने क्रम बढदै जान थालेको देखिन्छ । अहिलेसम्म ३७ हजार भन्दा बढी सदस्यहरु आवद्ध रहेको सिम्रिक बचत तथा ऋण सहकारी संस्था लि.ले हाल झापा, मोरङ्ग र ईलाममा ३० वटा सेवा केन्द्र मार्फत सदस्यहरुलाई सेवा प्रदान गरिरहेको संस्थाका मानव संशाधन बिभागिय प्रमूख मिन बहादुर अधिकारीले बताए ।