कञ्चनपुरमा १९ वर्षीया किशोरीमाथि सामूहिक बलात्कार

२८ जेठ, काठमाडौं । कञ्चनपुर प्रहरीका अनुसार जिल्लामा १९ वर्षीया किशोरीमाथि सामूहिक बलात्कार भएको छ । वेदकोट नगरपालिका(५ मा स्थानीय युवती माथि दुईजना युवकले बलात्कार गरेको प्रहरीले जनाएको छ ।

प्रहरीले बलात्कार गरेको आरोप लागेका वेदकोट नगरपालिका(६ का अन्दाजी २३ वर्षीय धनबहादुर विकलाई पक्राउ गरिएको छ । अर्का आरोपी सोही ठाउँका अन्दाजी २३ वर्षका युवक फरार रहेकाले उनको खोजीकार्य जारी छ ।

घटना बिहीबार हो, प्रहरीका अनुसार स्थानीय नर्सरी जंगलमा उनीहरुसँगै घुम्न गएका बेला किशोरीमाथि दुवैजनाले जबरजस्ती करणी गरेको आरोप पीडित युवतीले लगाएकी छन् ।

राति करिब ९ बजेतिर सामूहिक बलात्कार गरेको खबर आएपछि जिल्ला प्रहरी कार्यालयबाट खटिएको टोलीले आरोपीमध्येका विकलाई शुक्रबार बिहान पक्राउ गरेको हो ।

युवतीको राति नै स्वास्थ्य परीक्षण गरिएको छ भने रिपोर्ट आउन बाँकी रहेको छ । जंगलमा दुवै जनाले मदिरा सेवन गराएर आफूमाथि बलात्कार गरेको युवतीले बताएकी छन् ।