निषेधाज्ञामा सलिनमान आफ्नै युटुबमा च्यानलमा मस्त

नेपाली चलचित्रमा छोटो समयमा नै दर्शकको मनमा बस्न सफल नायक हुन् सलिनमान बनियाँ यति बेला आफ्नै युटुबमा च्यानलमा मस्त रहेका छन् ।

नेपाली चलचित्र ‘ए मेरो हजुर २’बाट करिअर सुरु गरेका नायक सलिनमान यो चलचित्रले हिट भएपछि उनकोको माग पनि ह्वातै बढेको छ । तर पछिल्लो समय उनी आफ्नै युटुबमा च्यानलमा मस्त रहेका हुन् ।

उनी, अहिले आफू विभिन्न स्थानमा पुग्दा भ्लग बनाउनेदेखि अनलाइन गेमलाई युटुबमा अपलोड गरिरहेका छन् । सलिमानले युटुब च्यानल खोलेको त केही बर्ष भयो ।

तर, उनले आफ्नै नाममा खोलेको च्यानलमा निषेधाज्ञाको समयमा भने केही भिडियो अपलोड गरेका छन् । चलचित्रमा काम गर्न हतार नगरेपनि सलिनमान अन्य केही कलाकार जस्तै युटुबमा भने मस्त देखिएका छन् ।

तर, सलिमान भने चलचित्र रोजाइमा चुजी देखिए । उनले, दोश्रो चलचित्र ‘यात्रा’मा काम गर्न समय लगाए । यो चलचित्रमा उनी भ्लगरको भूमिकामा देखिएका छन् । सलिमान बनियाँले तेश्रो चलचित्र साइन गरेका छैनन् ।