बाढीले मनाङको ताल गाउँ डुवानमा

२ असार,काठमाडौं । सोमबारदेखि परेको अबिरल बर्षाका कारण हिमाली जिल्ला मनाङ सदरमुकामका ५ घर सहित तातोपानि कुण्ड बगाएको छ ।  निरन्तर भारी वर्षासँगै मस्र्याङदी नदिमा आएको बाढिको कारण सदरमुकाम चामे बजारका केहि घरहरु डुबानमा छन भने  र नासोङ गाउँपालिका–१,पुरै ताल गाउँ डुवानमा परेको छ।

चामे वजारका घरहरु खोलाले बगाउन थालेपछि पूरै चामे वजारका २८० जना  बासिन्दा कारागारमा बसेका छन् त्याहा रहेको नेपाल आर्मीको रणदल गुल्मले  खाना पकाएर खुवाएको मनाङका प्रमूख जिल्ला अधिकारी विष्णुप्रसाद लामीछानेले बताएका छन् । प्रजिका लमिछाने अनुसार अनुसार विभिन्न खोलाहरुमा ठूला ढुँगाहरु सहित आएको बाढीले मस्र्याङदी नदिको बहाव थुनिदा सदरमुकाम चामेका केहि घरहरु डुवानमा परेका हुन् ।

यसैगरी नदिमा पानीको बहाव बढेसँगै मनाङकै नासोङ–१,तालगाउँ सबै डुबानमा परेका छन् । करिव ६० घरधुरी रहेको ताल गाउँमा गाउँनै डुवानमा परेपछि स्थानियहरु घर छोडेर नजिकै डाँडोमा सरेका छन् । मस्र्याङदी नदीमा पानीको बहाव बढ्दै जाँदा पानी थुनिएर वस्ती माथि डुबाउँदै आएको स्थानियलाई उधृत गर्दै मनाङ प्रशासनले जनाएको छ । निरन्तरको बर्षा र बाढी सँगै ताल गाउँमा विद्युत तथा टेलिफोन पनि अवरुद्ध भएको छ । थप उद्धारका निम्ती ताल र धारापानीको प्रहरी खटाईएको पजिअ लामीछानेले जानकारी दिएका छन् ।

बर्षा र बाढीसँगै मनाङका अधिकाँश सडकमा पहिरो गएकोले उद्धारकार्यमा समेत कठिनाई भएको छ । मनाङको सदरमुकाम देखि ताल गाउँसम्म आउने सडक अन्तर्गत खोलामा राखिएका मोटरेवल काठेपुल बगाएको छ । सडकमा गएको पहिरो र खोलामा पुल नहुँदा सदरमुकाम देखि प्रभावित क्षेत्रसम्म उद्धार टोलि पठाउन निकै समस्या भएको प्रजिअ लामीछानेको भनाई छ । बर्षाका कारण सदरमुकाम चामेमा रहेको लघु जलविद्युतको टनेप पाईप पनि बाढीले बगाएको छ ।