अपोलो अस्पतालमा झलनाथ खनालको उपचार सुरु

२ असार, काठमाडौं । पूर्वप्रधानमन्त्री तथा एमालेका नेता झलनाथ खनालको दिल्लीको अपोलो अस्पतालमा उपचार सुरु भएको छ । भारतस्थित नेपालका लागि राजदूत निलाम्बर आचार्यले खनालको उपचार प्रक्रिया अघि बढेको सामाजिक सञ्‍जालमा जानकारी दिएका छन् ।

उपचारको नेतृत्व गरिरहेका डाक्टरसित भेटघाट र स्वास्थ्यस्थितिबारे कुराकानी भयो , उनले ट्‍वीटरमा लेखेका छन, उहाँको शीघ्र सफल उपचारको विश्‍वास छ र पूर्ण स्वास्थ्यलाभको हार्दिक कामना छ ।

उनलाई बुधबार साढे १२ बजे नेपाल एयरलाइन्सको उडानबाट दिल्ली लगिएको हो । लगातार ज्वरो आएसँगै सास फेर्न गाह्रो भएपछि उनलाई दुई दिनअघि थापाथलीस्थित नर्भिक अस्पतालको आकस्मिक कक्षमा भर्ना गरिएको थियो ।

पूर्व प्रधानमन्त्री झलनाथ खनालज्यूको उपचार प्रक्रिया दिल्लीको अपोलो अस्पतालमा आजैबाट शुरू भएकोछ।
उहाँसंग र उहाँको उपचारको नेतृत्व गरिरहेका डाक्टरसित भेटघाट र स्वास्थ्यस्थितिबारे कुराकानी भयो।
उहाँको शीघ्र सफल उपचारको विश्वास छ र पूर्ण स्वास्थ्यलाभको हार्दिक कामना छ।

— Nilamber Acharya (@nilacharya) June 16, 2021

विशेष वार्डमा उपचार भइरहेका बेला परिवारले थप उपचारका लागि दिल्ली लैजाने भनेपछि अस्पतालले डिस्चार्ज गरेको थियो ।