दक्षिणकालीमा विभत्स अवस्थामा एक जना महिलाको शव फेला

८ असार, काठमाडौं । काठमाडौंको दक्षिणकाली पिकनिक स्पट छेऊमा एक जना महिलाको शव भेटिएको छ । प्रहरीका अनुसार विभत्स अवस्थामा अनुहार नचिनिने गरी गह्रुंगो वस्तुले किच्याएको अवस्थामा शव भेटिएको हो ।

प्रहरीको प्रारम्भिक अनुसन्धानमा महिलाको हत्या भएको हुनसक्ने देखिएको छ । प्रहरीले महिलाको शव पिकनिक स्पट छेऊ पुरानो ट्वाइलेटमा भेटाएको बताएको छ । अहिले प्रहरीले घटनास्थलमा फेरेन्सिक डाक्टर र तालिम प्राप्त कुकुरलाई पनि बोलाएको छ ।

शव अन्दाजी ३०-३५ वर्षको महिलाको भएको प्रहरीको भनाइ छ । सनाखत भने भइसकेको छैन ।