बलात्कारको प्रतिकार गरेपछि सन्तोषीको घाँटी थिचेर हत्या, गाडीको सहचालक पक्राउ !

१० असार, काठमाडाैं । सन्तोषी सुब्बा हत्या अभियोगमा प्रहरीले एक युवकलाई पक्राउ गरेको छ । पक्राउ पर्नेमा २१ वर्षीय युवक सुरेश तिमल्सिना रहेको प्रहरीले जनाएको छ ।

महानगरीय अपराध महाशाखाको टोलीले पक्राउ पर्ने सिन्धुपाल्चोकको चौतारा साँगाचोक गढी नगरपालिका-१४ घर भई काठमाडौंको दक्षिणकाली बस्ने २९ वर्षीय सुरेश तिमल्सिना हुन् । उनी गाडीको सहचालक रहेको खुलेको छ। उनलाई आजै पत्रकार सम्मेलन गरेर सार्वजनिक गर्ने प्रहरीले जनाएको छ ।

प्रहरी स्रोतका अनुसार ती युवकले सुरुमा सन्तोषीलाई बलात्कार प्रयास गरेका थिए । तर सन्तोषीले प्रतिकार गरेपछि घाँटी थिचेर हत्या गरेको र अनुहार चिन्न नसकियोस्भ नेर अनुहारभरि प्रहार गरेको बयानमा युवकले स्वीकार गरेका छन् ।

विभिन्न पशुपक्षीको आवाज निकालेर युट्युबमा भाइरल बनेकी सन्तोषीको हत्यापछि प्रहरीले अनुसन्धान थालेको थियो । थप घटना विवरण प्रहरीले पत्रकार सम्मेलनमा सार्वजनिक गर्ने छ ।

काठमाडौंको दक्षिणकाली मन्दिरस्थित पार्किङसँगैको शौचालयमा हत्या गरेर फालिएको अवस्थामा सन्तोषीको शव मंगलबार भेटिएको थियो । घर काभ्रे भएको र पछिल्लो समय काठमाडौंकै कालोपुलमा एक धर्म बुबासँग बस्दै आएको प्रारम्भिक अनुसन्धानबाट खुलेको थियो ।

अनुहार चिन्न नसक्ने गरी लागेको चोटका कारण शव पहिचानमा समस्या भएको थियो । अर्धनग्न अवस्थामा फेला परेको शवको मुख चिन्न नसकिने गरी किचिएको थियो भने घाँटी कसिएको पाइएको थियो ।

र याे पनि…………

दक्षिणकालीमा विभत्स अवस्थामा एक जना महिलाको शव फेला

दक्षिणकालीको ट्वाइलेटमा युट्युबमा भाइरल सन्तोषी सुब्बाको हत्या !