साहित्यकार वैरागी काइँला ओम अस्पतालमा भर्ना

१२ असार, काठमाडौं । साहित्यकार वैरागी काइँला  ‘तिलविक्रम नेम्वाङ्ग’  ओम अस्पताल भर्ना भएका छन् । काइँला सुकेधारास्थित आफ्नै घरमा रहेको बेला एक्कासी बेहोश भएपछि अस्पतालमा भर्ना गरिएको हो ।

बिहीबार राति मस्तिष्क घात भएपछि ८२ वर्षीय काइँलालाई अस्पताल लगिएको हो । काइँला एक वर्षयता घरमै बसेर आफ्नो प्रकाशोन्मुख कृतिमा काम गरिरहेका थिए ।

उनको देब्रे हात चलेको छैन भने बोली पनि प्रष्ट बुझिँदैन । हाल उनी नसासम्बन्धी चिकित्सकको निगरानीमा रहेका छन् । उनले  कोरोना महामारीका कारण एक वर्षयता घरमै बसेर आफ्नो प्रकाशोन्मुख अंग्रेजी अनूदित संग्रहमाथि काम गरिरहेका थिए ।