राष्ट्रिय बीमा संस्थानको बीमा सेवा असार १६ देखि १८ गतेसम्म बन्द हुने

१४ असार, काठमाडौं । राष्ट्रिय बीमा संस्थानबाट प्रवाह भइरहेका बीमा सेवा तीन दिनका लागि बन्द हुने भएको छ ।

संस्थानले नयाँ सफ्ट्वेयर लागू गर्न लागेको र त्यसको लागि डाटा माइग्रेसन गर्ने कार्य गर्नुपर्ने भएकाले कम्पनीबाट हुने सेवा तथा कारोबार बन्द हुने सूचनामा उल्लेख छ ।

असार १६ गते बुधवारदेखि १८ गते शुक्रवारसम्म संस्थानको प्रधान कार्यालय तथा सम्पूर्ण शाखा कार्यालयको कारोबार बन्द हुनेछ । संस्थानले थप जानकारी जानकारी चाहिएको खण्डमा प्रधान कार्यालयमा सम्पर्क गर्न पनि भनेको छ ।