संविधान र लोकतन्त्रको पाङ्ग्रा नभत्काउँ : नेता रिजाल

३ साउन, काठमाडौं । नेपाली कांग्रेका नेता डा. मीनेन्द्र रिजालले सबै मिलेर बनाएको संविधान र लोकतन्त्रको पाङ्ग्रा एउटा पक्षले भत्काउँदा ठीक हुने बताएका छन् । उनले दोस्रोपटक पनर्स्थापित भएको संसद बैठकमा बोल्दै आफु पाखा लाग्दा गलत हो भन्ने तर्क आफैँमा बेठीक भएको बताए ।

संसद्को गरिमा बढाउने र विपक्षप्रति सम्मान भाव देखाउन नेपाली कांग्रेस पार्टीले कुनै कन्जुस्याइँ नगर्ने उनले बताए। प्रधानमन्त्री शेरबहादुर देउवाले आफूमाथि प्रतिनिधिसभाको विश्वास छ भन्ने स्पष्ट पार्न विश्वासको मतका लागि पेश गरेको प्रस्तावको पक्षमा मत जाहेर गर्दै उनले लोकतन्त्रलाई जोगाउने र मुलुकको समृद्धिको बाटोमा अघि बढ्न सबैसँग सहकार्य गर्ने विश्वास दिलाए ।

उनले भने, “अदालतले प्रधानमन्त्रीले नियुक्त गरेको नभई कानूनी राज्य र लोकतन्त्र कायम राख्नुपर्छ भनेर निर्णय सुनाएको हो, अदालतले गरेको निर्णयलाई विशिष्ट तागतका रूपमा बुझ्न जरुरी छ ।”

कांग्रेसले विपक्षको सकारात्मक आलोचना र टीकाटिप्पणीलाई सदासर्वदा सम्मान गर्ने बताउँदै पूर्वमन्त्री रिजाले भने, “नेका निर्वाचनमा हुने हारलाई सहर्ष स्वीकार्ने लोकतान्त्रिक दल हो, लोकतान्त्रमा विश्वास राख्नेलाई कांग्रेसले असहमत हुनेलाई पनि सम्मान गर्न सिकाउँछ ।”