घर न घाटको हुनु भन्दा पार्टी विभाजन नै उपयूक्तः माधव नेपाल

३० साउन, काठमाडौं । पछिल्लो समय एमाले अध्यक्ष केपी ओलीबिरुद्ध आक्रामक ढंगले प्रस्तुत हुँदै आएका वरिष्ठ नेता माधव नेपालले बामदेव गौतमले जस्तो ओलीको अपमान सहेर पार्टीमा नबस्ने बताएका छन् ।

उनले बामदेवतर्फ इंकित गर्दै भने, ‘बामदेव कमरेडजस्तो अपमानित भएर एमालेमा बसिरहनु पर्छ भन्ने आफूलाई नलागेको बताउँदै भाग्नुपर्ने अवस्था भयो भने पछि घर न घाटको भईने, न रुन सकिने न हाँस्न सकिने ? त्यो अवस्थामा कोही पनि नपरून्’ । आफू अब एमाले विभाजनतर्फ कै बाटोमा अघि बढेको उनको संकेत थियो ।

आफू अन्तिम समयसम्म पनि पार्टी एकताको पक्षमा लागेको तर त्यो सफल नहुने भएपछि पार्टी विभाजनको असहज बाटो रोज्नुपर्ने अवस्थामा पुगेको दावी गरे । शनिबार काठमाडौमा भएको ‘कम्युनिस्ट आन्दोलनमा अवसरवाद’ विषयक कार्यक्रमलाई सम्बोधन गर्दै नेता नेपालले गलत प्रवृत्तिका विरुद्ध कहिल्यै नझुक्ने बरु अलग हुने बताएका छन् ।

दक्षिणपन्थी अवसरवाद र उग्रवामपन्थी भड्कावबाट जोगिँदै अघि बढ्नु नै अहिलेको आवश्यक्ता भएको प्रष्ट पार्दै नेता नेपालले ओलीमा अहंकार, व्यक्तिवाद र विभिन्न स्वार्थ हावी भएकाले एमाले पार्टीभित्र समस्या आइपरेको बताए ।

‘विकृति विसंगति चारैतर्फ देखिएकोले एमालेमा अहंकार, व्यक्तिवाद, स्वार्थ हावी बताउँदै नेता नेपालले भने, ‘यो समस्याको समाधान गर्ने कि ओलीको टाङमुन छिर्ने भन्ने प्रश्न महत्वपूर्ण भएको बताए ।

पार्टीभित्र त्यस्तो प्रवृत्तिलाई सहयोग पुग्ने कुनैपनि काम गरिँदैन, त्यसका विरुद्ध जुधिन्छ’ उनले निरन्तर अपमान सहेर पार्टी एकता गर्न नसकिने पनि स्पष्ट पारे ।