बीरगञ्जबाट खुलेयाम तस्करी हुने गरेको समाचार एसपी पाण्डेद्धारा अस्वीकार, पठाए खण्डन पत्र

३ भदौ, काठमाडौं । जिल्ला प्रहरी कार्यालय पर्सा बीरगञ्जका प्रमुख प्रहरी उपरीक्षक (एसपी) बेलबहादुर पाण्डेले निषेधाज्ञामा बीरगञ्जबाट खुलेयाम तस्करी हुने गरेको समाचारको खण्डन गरेका छन् ।

एसपी पाण्डेले पर्सा प्रहरीले बिगत बर्षहरुमा भन्दा आफ्नो कार्यकालमा तस्करी नियन्त्रण गदै राजश्व बृद्धि तथा लागुऔषध नियन्त्रणका क्षेत्रमा उल्लेखनीय कामहरु गरेको बताएका छन् ।

नेपालबहस डटकममा गत जेठ २६ गते प्रकाशित “निषेधाज्ञामा बीरगञ्जबाट खुलेयाम तस्करी, नुनदेखि सुनसम्मको कारोवारमा प्रहरीको संरक्षण” शीर्षकको समाचारप्रति आफ्नो ध्यानाकर्षण भएको जनाउँदै सो समाचारमा आफ्नो भनाईलाई स्थान नदिएको भन्दै प्रेस काउन्सिल नेपालमा उजुरी दिएका थिए ।

पर्साका प्रहरी उपरीक्षक पाण्डेले सिधैं नेपालबहसको कार्यालयमा खण्डन नपठाई प्रेस काउन्सिलमार्फत पठाइएको खण्डन यहाँ जस्ताको तस्तै प्रकाशित गरिएको छ । हेर्नुस्, उनले पठाएको खण्डन पत्रः-