धनगढी उपमहानगरपालिकाको आन्तरिक आयमा वृद्धि

११ भाद्र, कैलाली । कैलालीस्थित धनगढी उपमहानगरपालिकाको आन्तरिक आयमा वृद्धि भएको छ । अघिल्लो आर्थिक वर्षमा ०७६/७७ मा उपमहानगपालिकाले आन्तरिक स्रोतबाट १४ करोड ५४ लाख ७३ हजार २७१ आम्दानी गरेकामा गत आवमा २० करोड ६० हजार २४६ आम्दानी भएको जानकारी दिइएको छ ।

उपमहानगरपालिकाका प्रमुख प्रशासकीय अधिकृत हरिबहादुर चन्दले गत आवमा एकीकृत सम्पत्ति करबाट रू। चार करोड आठ लाख २० हजार ६५९, घरबहाल करबाट तीन करोड १७ लाख १६ हजार ५००, बहालबिरौटी करबाट नौ लाख ७६ हजार, सवारीसाधन करबाट चार लाख ९७ हजार ७०५ र व्यवसाय रजिस्ट्रेसन दस्तुरबाट एक करोड ६८ लाख ८७ हजार तीन ३३५ आम्दानी गरेको बताए ।

त्यसैगरी सरकारी सम्पत्तिको बहालबाट ८३ लाख १७ हजार नौ ९४४, अन्य सेवा शुल्क तथा विक्रीबाट २३ लाख ८० हजार ५९८, शिक्षा क्षेत्रबाट आठ लाख ४६ हजार ४००, पार्किङ शुल्कबाट २० लाख ५६ हजार ९६० यथार्थ आम्दानी भएको प्रमुख प्रशासकीय अधिकृत चन्दले जानकारी दिए ।

उपमहानगरपालिकाले नक्सापास दस्तुरबाट रू। तीन करोड ४९ लाख ७७ हजार ६३४, सिफारिस दस्तुरबाट रू। एक करोड ५३ लाख ५७ हजार ६४६, व्यक्तिगत घटना दर्ताबाट ६ लाख ४८ हजार ७२५, नाता प्रमाणित दस्तुरबाट दुई लाख २८ हजार १००, अन्य दस्तुरबाट एक लाख, प्रशासनिक दण्ड जरिवाना र जफतबाट ६१ लाख पाँच हजार ७८७, अन्य राजस्वबाट तीन करोड ७६ लाख ४३ हजार २०८ र बेरुजु असुलबाट चार लाख ९९ हजार ४४ आम्दानी गरेको जानकारी दिइएको छ ।

गत आव ०७६/७७ मा उपमहानगपालिकाले आन्तरिक स्रोतबाट १४ करोड ५४ लाख ७३ हजार २७१ आम्दानी गरेकामा आव ०७६/७७ को तुलनामा ०७७/७८ को यथार्थ आन्तरिक आम्दानीमा उल्लेख्य वृद्धि भएको जानकारी दिइएको छ ।