ब्रिटिस कलेजमा बैंक अफ काठमाण्डूको क्यूआर कोड सेवा

१ असोज, काठमाडौं । बैंक अफ काठमाण्डू लिमिटेडले ब्रिटिस कलेज, काठमाडौंमा डिजिटल भुक्तानी (QR Code) सेवा संचालनमा ल्याएको छ । बैंकले कलेजमा सेवा विस्तार गरेसँगै त्यहाँ अध्ययनरत विद्यार्थी तथा अभिभावकले मोबाईल बैंकिङ्ग मार्फत कलेजको बिल सजिलै भुक्तानी गर्न सक्ने भएका छन् ।

बैंकले डिजिटल कारोबारलाई प्रोत्साहन गर्ने क्रममा डिजिटल कारोबारको लागि रणनितीक महत्व भएका स्थानहरु छनौट गरी क्यूआर कोड सेवा संचालनमा ल्याइरहेको छ । बैंकले आराध्यदेव भगवान पशुपतिनाथ मन्दिर परिसर, कालिमाटी फलफूल तथा तरकारी बजार बिकास समितिको व्यवस्थापन रहेको माछापोखरीमा अवस्थित तरकारी बजार, पूर्वी नेपाल यातायात, कंकाई माई पाथीभरा यातायात र सुपर जनसेवा यातायात समितिद्वारा सञ्चालित लामो तथा छोटो दुरीको बसहरु, खाद्य स्टोर तथा पसलहरु, होटल तथा रेस्टुरेन्टहरु, हस्पिटलहरु तथा अन्य महत्वपुर्ण स्थानमा क्यूआर कोड सेवा संचालनमा ल्याइसकेको जनाएको छ ।

बैंक अफ काठमाण्डू लिमिटेडले ९० शाखा कार्यालयहरु, ८१ एटिएम र १० एक्स्टेन्सन काउन्टरबाट आफ्ना ग्राहक महानुभावहरुलाई उत्कृष्ट बैंकिङ्ग सुविधा प्रदान गर्दै आईरहेको छ ।