मुसा दाजुबहिनीको चित्रकथा प्रकाशित

११ असोज, काठमाडौं । मुसा दाजुबहिनीको चित्रकथा प्रकाशित भएको छ । सुधा रिसालको लेखन र संजीप कडेलको चित्राङ्कन रहेको “पानी पानी” शिर्षकको चित्रकथा प्रकाशित भएको हाृ ।

“पानी पानी” दुई मुसा दाजुबहिनीको कथा हो । यस कथामा सानी मुसी आफ्नी दाजुलाई “समुद्र कस्तो हुन्छरु” भनेर सोध्छे ।

बहिनी मुसीलाई समुद्र हेर्न हतार हुन्छ र दुबै दाजुबहिनी समुद्रको खोजीमा दुलोबाट बाहिर निस्कन्छन । बाटोमा बहिनी मुसी जतिपटक पानी पानी भएको ठाँउ हेर्छिन ती सबैलाई समुद्र भन्ठान्छिन् । उनीहरु बाटोमा झरना, पोखरी, ताल, नदि, ढुङ्गे धारा, नहर देख्दै जान्छन् ।

पछि दाजु मुसाले “टाढा छ समुद्र, जाऔँ माइक्रो बस चढेर।” भन्छन र उनीहरु समुद्र भएको ठाँउमा पुग्छन्। “पानी पानी” चित्रकथाले बालबालिकामा नयाँ कुराबारे जान्ने, बुझ्ने इच्छा र कौतुहलतालाई रमाइलो तरिकाले देखाएको छ । कथालय इन्कद्वारा प्रकाशित “पानी पानी” चित्रकथाको मुल्य एक सय पचास रुपैँया तोकिएको छ ।