महिलालाई जबर्जस्ती करणी गरेको आरोपमा युवक पक्राउ

१५ असोज, उदयपुर । जिल्ला प्रहरी कार्यालय उदयपुरले जबर्जस्ती करणी गरेको अभियोगमा एक युवालाई पक्राउ गरेको छ । उदयपुरको चौदण्डीगढी नगरपालिका-६ द्वारखोला जंगलमा घाँस काट्न गएकी एक महिलामाथि जबर्जस्ती करणी गरेको आरोपमा स्थानीय ३० वर्षीय मुकेश बिकलाई प्रहरीले पक्राउ गरेको हो ।

चौदण्डीगढी नगरपालिका-६ बेल्टारकी ५९ वर्षीया महिलालाई बिकले जबर्जस्ती करणी गरेको आरोपमा पक्राउ गरिएको प्रहरीले जनाएको छ ।

जिल्ला प्रहरी कार्यालय उदयपुरका प्रहरी नायव उपरीक्षाक वदप्रसाद गौतमका अनुसार जंगलमा आफूलाई जबर्जस्ती करणी गरेको भन्दै पीडितले शुक्रबार इलाका प्रहरी कार्यालय बेल्टारमा जाहेरी दिएपछि उनलाई पक्राउ गरिएको हो ।

बिकलाई पक्राउ गरी उदयपुर जिल्ला अदालतबाट म्याद थप गरी अनुसन्धान भइरहेको जनाइएको छ ।