मोटरसाइकल चोरीमा संलग्न पक्राउ

श्रीकृष्ण सिग्देल

२१ असोज, स्याङ्जा। जिल्ला प्रहरी कार्यालय स्याङ्जाले मोटरसाइकल चोरी कार्यमा संलग्नलाई पक्राउ गरेको छ । जिल्लाका विभिन्न क्षेत्रमा चोरीका घट्ना बढ्न थालेपछि प्रहरीले सक्रियता बढाए सँगै मोटर साइकल चोरीमा संलग्नलाई पक्राउ गर्न सफल भएको हो ।

वडा प्रहरी कार्यालय वालिङका प्रमुख प्रहरी निरिक्षिक हरी प्रसाद पौडेलको कमाण्डमा खटिएको टोलीले मोटरसाईकल चोरी गर्ने ४ जनालाई पक्राउ गरेको जिल्ला प्रहरी कार्यालयले जनाएको छ ।

जिल्ला प्रहरी प्रवक्ता प्रहरी नायव उपरिक्षक राजेन्द्र प्रसाद अधिकारीका अनुसार मोटरसाईकल चोरीमा संलग्न रुपन्देही जिल्ला बुटवल महानगरपालिका १२ बस्ने ३४ बर्षिय बिष्णुबहादुर नेपाली, बुटवल उपमहानगर ११ बस्ने २८ बर्षिय प्रकास सार्की, भीरकोट नगरपालिका २ स्याङ्जा बस्ने २० बर्षिय बिप्लब श्रेष्ठ र सोही नगर २० बर्षिय ज्ञानबहादुर गुरुङ् पक्राउ परेका हुन् ।

उनीहरुले विभिन्न कम्पनीका ७ थान मोटरसाईकल र २ थान स्कुटर चोरी गरेका थिए । सबै सवारी साधन सहित उनीहरुलाई पक्राउ गरी थप अनुसन्धान भइरहेको प्रहरीले जनाएको छ ।