कम्यूनिष्टको गढमा धक्का: बिरुवा गाँउपालिकामा ६१ जना एमाले परित्याग गरि नेपाली कांग्रेसमा प्रवेश

२१ असोज, स्याङ्जा । कम्यूनिष्टहरुको गढको रुपमा रहँदै आएको विरुवा गाँउपालिका ५ चेप्टेका ६१ जना भन्दा बढी एमाले कार्यकर्ताहरु नेपाली कांग्रेस प्रवेश गरेका छन । बिरुवा गाउँपालिका ५ तल्लो चेप्टेका एमालेका सक्रिय कार्यकर्ता दलबहादुर रानाको नेतृत्वमा पुरै गाउँ हिजो नेपाली कांग्रेसमा निःशर्त प्रवेश गरेका हुन ।

नेपाली कांग्रेस स्याङ्जाका नेता एवं संविधानसभा सदस्य राजु थापाले नवप्रवेशीहरुलाई पार्टी सदस्यता, अबिर र खादा लगाएर पार्टीमा स्वागत गरेका थिए । सो अवसरमा नेता थापाले मन्तव्य व्यक्त गर्दै बिरुवा गाँउपालिकालाई कांग्रेसमय बनाउने अभियानमा नवप्रवेशी साथीहरुको योगदान अमुल्य हुने बताए ।

नवप्रवेशी सम्पुर्ण युवा साथीहरूलाई नेपाली कांग्रेसको चारतारे झण्डा र रूखको छहारीमा हार्दिक स्वागत गर्दै उनले आगामी स्थानीय लगायतका तीनै तहका चुनावमा सिंगो बिरुवा गाँउपालिकामा विजय हात पार्न सबै दत्तचित्त भएर लाग्नुपर्ने बताउँदै नेता थापाले स्याङ्जाका दुवै क्षेत्रमा कांग्रेसलाई जिताउने अभिभारा पुरा गर्ने महाअभियानमा सबैको योगदान हुनुपर्ने बताएका थिए ।

सो कार्यक्रममा स्याङ्जा क्षेत्र नं. १ का क्षेत्रीय सभापति तुलसी रेग्मी, नेपाल शिक्षक संघका केन्द्रीय उपाध्यक्ष भरत लम्साल, नेविसंघ स्याङ्जाका अध्यक्ष अजित क्षेत्री, कांग्रेस जिल्ला कार्य समितिका सदस्य लक्ष्मी केसी, कांग्रेस नेताहरु डोलबहादुर खड्का, देवेन्द्र केसी, प्रकाश वाग्ले, श्रीराम उपाध्याय, ध्रुव खाँड, लालबहादुर हमाल, हिमाल केसी, ओमनाथ शर्मा, नवराज वाग्ले, हेमराज वाग्ले, विरुवा गाँउपालिकाका सभापति डोलराज पोखरेल लगायतको उपस्थिति थियो ।