सिन्धुपाल्चोकमा १० मिनेटको फरकमा दुई भूकम्प !

१ कार्तिक, काठमाडौं । सोमबार सिन्धुपाल्चोकमा करिव १० मिनेटको अन्तरालमा दुई पटक भूकम्प गएको छ । सिन्धुपाल्चोकको फाङफुङ केन्द्र भएर १० मिनेटको फरकमा दुई भूकम्प  गएको राष्ट्रिय भूकम्प मापन केन्द्रले जनाएको छ ।

राष्ट्रिय भूकम्प मापन केन्द्रका अनुसार सोमबार दिउँसो १ बजेर ४६ मिनेट र १ बजेर ५६ मिनेटमा ४.७ म्‍याग्निच्‍युडको दुई भुकम्प गएको हो ।

यो नयाँ भूकम्प नभइ गोरखा भूकम्पकै परकम्प भएको केन्द्रका वरिष्ठ भूकम्पविद् लोकविजय अधिकारीले जानकारी दिए । यसअघि आइतबार बिहान गोरखाको मानबु आसपास केन्द्रविन्दु भएर ४ं।३ रेक्टर स्केलको परकम्प गएको थियो ।