राखेप सदस्य सचिव सिलवाललाई बर्खास्त गर्ने मन्त्रीपरिषदको निर्णय

१ कार्तिक, काठमाडौं । सरकारले राष्ट्रिय खेलकुद परिषद् ‘राखेप’का सदस्य सचिव रमेशकुमार सिलवाललाई बर्खास्त गर्ने निर्णय गरेकाे छ । मन्त्रीपरिषदको सोमबार बसेको बैठकले राखेप सदस्य सचिव सिलवालको स्पष्टिकरण चित्त बुझ्दो नभएको भन्दै बर्खास्त गरेको हो ।

सरकारले सदस्य सचिव सिलवाललाई यसअघि दुई पटक स्पष्टिकरण सोधेको थियो । सिलवालको जवाफ चित्त बुझ्दो नदेखिएको भन्दै सरकारले बर्खास्तको निर्णय गरेको हो ।

तत्कालिन केपी ओली नेतृत्वको सरकारको पालामा सिलवाल दोस्रो पटक सदस्य सचिव नियुक्त भएका थिए । सरकार परिवर्तन भएसंगै देउवा नेतृत्वको सरकारले ओली नेतृत्वको पालामा नियुक्त भएका पदाधिकारीलाई बर्खास्त गर्दै आएको छ ।