ठेचो नवदुर्गा नाच सम्पन्न

३ कार्तिक, भक्तपुर । पाटन मूलचोकमा मनाइने ठेचो नवदुर्गा नाच सम्पन्न भएको छ । नवदुर्गा नाच सम्पन्न भएसँगै नेपालीहरूको महान् चाड दशैं पनि सकिएको मानिन्छ ।

ठेचो नवदुर्गा नृत्य वर्षमा दुई पटक दशैं र योमरी पुन्हीको समयमा गरिन्छ भने गत वर्ष कोभिडको महामारीका कारण गरिएको थिएन । यस नृत्य समूहमा भैरव, सिमा, धुम्बा, भगवान् गणेश, वाराही, चामुण्डा, भ्रामायनी, महेश्वरी, वैष्णवी, कुमारी र इन्द्रायणीको मुखौटाले सजिएका ११ जना नर्तकहरू हुन्छन् भने भेडा र राँगोको बलि दिइने चलन छ ।

यस समूहले नाच्ने नाचको अन्य स्वदेशी नृत्यहरू सिक्ली नाच ‘खोखाना’, अजिमा नाच ‘काठमाडौं’, सप्त मातृका नाच र गटु प्याखान ‘कीर्तिपुर’ र अस्ट मातृका नाच ‘ललितपुर’सँग समानता रहेको छ।