कांग्रेसको भावी नेतृत्वः युवा प्रतिनिधिहरुले कस्तो नेतृत्व चाहेका होलान् ?
भेषराज पोखरेल
मंसिर २१, २०७८ मंगलबार १७:१:१४
अहिले नेपाली कांग्रेसको महाधिवेशनको क्रम चलिरहेको छ । क्रियाशील सदस्यता, स्थानीय तह, प्रदेश निर्वाचन क्षेत्र, संघीय निर्वाचन क्षेत्र, जिल्ला अधिवेशन सिद्धिएर प्रदेश तहको निर्वाचन पनि सकिएको छ । दुई नम्बर प्रदेशको निर्वाचन भने भइसकेको छैन । अब केन्द्रीय पदाधिकारी र केन्द्रीय सदस्यको निर्वाचन हुन धेरै दिन बाँकी छैन ।
स्थानीय तहका पदाधिकारीदेखि महाधिवेशन प्रतिनिधिसम्म उल्लेख्य मात्रामा युवाहरु निर्वाचित भएर आएका छन् । जसमा युवा र महिलाको संख्या पनि उल्लेख्य देखिएको छ । यसले कांग्रेसलाई नयाँ ऊर्जा प्रदान गर्ने स्पष्ट भएको छ भने प्रजातन्त्र अर्थात् लोकतन्त्रको भविष्य पनि उज्ज्वल हुने अनुमान लगाउन सकिन्छ ।
ठूलो उत्साहका साथ केन्द्रीय पदाधिकारी तथा सदस्य छान्ने अधिकार लिएर आएका प्रतिनिधिहरुले कस्तो नेतृत्व छान्लान् ? यी नवराजनीतिकर्मीहरुले उही पहिलेकै शक्तिकेन्द्र हेरेर भोट दिने होलान् कि असल नेतृत्वको चयन गर्लान् ? यसले नेपाली कांग्रेसको भविष्य निर्धारण गर्ने निश्चित छ ।
नेपाली कांग्रेसको जिल्ला र प्रदेशको अधिवेशनलाई हेर्दा सभापति शेरबहादुर देउवा र रामचन्द्र पौडेल तथा कोइराला समूहबीच नै प्रतिस्पर्धा भएको देखिन्छ । जिल्ला सभापतिमा त केही जिल्लामा युवाको उपस्थिति देखियो तर प्रदेशमा युवा हस्तक्षेप भएको देखिएन । उही प्यानलकै आड लागेर मतदान गरेको देखियो । यसले केन्द्रमा पनि यही अवस्था आयो भने कांग्रेस सिद्धान्तभन्दा पनि व्यक्ति पुज्ने प्रवृत्तिबाट माथि उठ्न कठिन छ ।
शेरबहादुर देउवा र रामचन्द्र पौडेल त सधैंका दुई धार भइहाले, प्रकाशमान सिंह, शेखर कोइराला, शशांक कोइराला, विमलेन्द्र निधि जस्ता नेताहरुले अहिलेको महाधिवेशनले देउवालाई नेतृत्वबाट बिदाइ गर्नुपर्छ भन्दै आएका छन् । देउवाइतरका यी सबै नेताहरुले आफू नै देउवालाई बिदा गर्न सक्ने उपयुक्त उम्मेदवार भन्दै आएका छन् ।
हुन त सहमतिमा साझा उम्मेदवार चयन नगरेसम्म देउवालाई भावी नेतृत्वबाट रोक्न कठिन छ भन्ने कुरा उनीहरुलाई थाहा भइसकेको छ ।जिल्ला नेतृत्व र प्रदेश नेतृत्वले देउवा बलियो अवस्थामा देखिएका छन् । यी माथिका कुनै पनि नेताले उनलाई एक्लै चुनौती दिन सक्ने अवस्था छैन ।
देउवा पुनः नेतृत्वमा आए कांग्रेसको अवस्था कस्तो हुन्छ ?
नेपाली कांग्रेसको सभापतिमा पुनः शेरबहादुर देउवा दोहोरिए भने कांग्रेस पहिलेको अवस्थाबाट कुनै पनि रुपमा फेरिने छैन । उनको काम गराइ र सिद्धान्तको निरुपण तथा कार्यान्वयनको अवस्थालाई हेर्दा सैद्धान्तिक स्पष्टता, कार्यान्यन दुवै कमजोर अवस्थामा पुग्नेछन् भने व्यक्ति नै सबै हो भन्ने मानसिकतामा कुनै रुपमा पनि कमी आउने छैन । यसले कांग्रेसलाई जनतामा जान अत्यन्तै कठिन पर्नेछ ।
२०७४ को आमनिर्वाचनपछि देउवाको सम्झौतापरस्त नीति, गलत कार्यमा सरकारको सशक्त विरोधभन्दा पनि भाग खोजेर मौन बस्ने नीतिले कांग्रेस नेता, कार्यकर्ता र आमजनतामा निराशा छाउन गयो । उनको पुनरागमनले यसमा परिवर्तन आउन कठिन छ । देउवा नेपाली कांग्रेस प्रजातान्त्रिक पार्टी हो, प्रजातन्त्र बलियो बनाउँछ, अरु के नीति चाहियो ? भन्ने मानसिकतामै छन् ।
समय अनुसार कम्युनिष्ट शक्तिसँग प्रतिस्पर्धा गर्न नीति स्पष्ट र समयानुकूल बनाउँदै लैजानुपर्छ भन्ने कुरातिर चासो देलान् जस्तो देखिँदैन ।उनले आर्थिक मामलामा अहिलेको अराजक उदार अर्थनीतिबाट देश पर जानुपर्छ भन्ने सोच्दै सोच्दैनन् । कांग्रेसको प्रजातान्त्रिक समाजवाद जो व्याख्या र कार्यान्वयनविहीन अवस्थामा छ, अब पनि त्यही अवस्थामा रहने देखिन्छ । यी सबै निष्कर्ष उनको अहिलेसम्मको पार्टी र सरकारको नेतृत्वको अवस्थालाई विश्लेषण गरेर निकालिएको हो । युवा प्रतिनिधिले उनको नेतृत्वबाट अरु के पाउने होलान् र ?
कांग्रेसमा नयाँ नेतृत्व आउन सक्ने सम्भावना
कांग्रेसका जिल्ला र प्रदेशको अधिवेशनले छानेका नेतृत्वलाई हेर्दा देउवा कमजोर देखिएका छैनन् । उनले अहिले पूर्वमहामन्त्री कृष्णप्रसाद सिटौलाको सहयोग पाउन सफल भएका छन् । उनलाई अहिले सभापतिमा उम्मेदवारी दिन तयार छु भन्ने कुनै पनि नेताले एक्लै चुनौती दिन सक्ने अवस्था छैन । रामचन्द्र पौडेल, शेखर कोइराला, शशांक कोइराला, प्रकाशमान सिंह, विमलेन्द्र निधि सबै एक भएर साझा उम्मेदवार छान्न सके भने देउवालाई नेतृत्वबाट रोक्न सक्ने सम्भावना रहन्छ ।
त्यसो गर्न नसके देउवा पुनः दोहोरिन सक्ने सम्भावना बढी नै देखिएको छ । तत्कालका लागि त कसैले कस्तै नीति अघि सारेँ भने पनि व्यक्ति छान्ने अवस्था नै बढी हाबी हुने अवस्था देखिएको छ । साझा उम्मेदवार छान्दा पनि आमकार्यकर्ता र नेताहरुका बीच भिजेको नेतालाई अगाडि नसार्ने हो भने यसै भन्न सक्ने अवस्था छैन ।
युवा प्रतिनिधिको चाहना के होला ?
कांग्रेसभित्रको बहस, विश्लेषण, आक्रोश र छट्पटीलाई हेर्दा युवा कांग्रेसजनहरुले पार्टीलाई अहिलेको अवस्थाको व्याख्या, विश्लेषण र कार्यान्वयनबिनाको नीति बोकेर हिँडेको देख्न चाहेका छैनन् । प्रजातान्त्रिक समाजवाद के हो त ? बीपीले अगाडि सारेको प्रजातान्त्रिक समाजवाद यही अराजक उदारवाद हो त ? यही उद्दण्ड बजारवाद हो त ? यही दलाल पुँजीवाद हो त ?
लामो समय कांग्रेसमा लागेर आफ्नो शक्ति खन्याइरहेका, सचेत, अध्ययन गरेका र नीतिमा चासो राख्ने युवाहरुले यिनै कुरा सोचिरहेको, मनन गरिरहेको देखिन्छ । नयाँ युवाहरुलाई भने यी कुराहरुको अत्यन्तै थोरै ज्ञान छ । उनीहरुलाई विशेष प्रशिक्षणको आवश्यकता देखिन्छ । उचित प्रशिक्षण दिइएन भने उनीहरु नेताकै भ्रममा पछिपछि लाग्ने नै छन् ।
भेषराज पोखरेल
नेपालबहस डटकमका नियमित स्तम्भकार भेष राज पोखरेल वरिष्ठ पत्रकार हुन् । विगत २५ वर्षदेखि अर्थ राजनीतिक धारमा कलम चलाउँदै आएका पोखरेलले कान्तिपुर दैनिकमा २० वर्ष भन्दा बढी समय भाषा सम्पादकका रुपमा काम गरेका छन् । स्वतन्त्र लेखकका रुपमा समेत विभिन्न दैनिक पत्रपत्रिकाहरुमा लेखहरू लेख्दै आएका पोखरेलले दुई वर्ष नेपाल तारा डटकमको सम्पादकको रुपमा काम गरेको अनुभव पनि छ ।
लेखकबाट थपअराजकताको खतराः प्रणालीगत राजनीति छाडेर एकले अर्कालाई गलाउने र राज गर्ने ?
जेठ १२, २०८१ शनिबार
सिन्थेसिस: इतिहासको पुर्नव्याख्या, हिन्दु गणतन्त्र अपरिहार्य
जेठ १०, २०८१ बिहिबार
सामाजिक सञ्जालकर्ताको विद्रूप र कैलाश सिरोहिया प्रकरण
जेठ ९, २०८१ बुधबार
भारतीय मूलका विनोद चौधरीका कर्तुत खोजिँदै, कसरी छिरे नेपाल ?
नेपालबहस संवाददाता
जेठ ११, २०८१ शुक्रबार
के तपाईको हातमा पैसा जोगिदैन ? यी तरिकाहरु अपनाउनुस् !
नेपालबहस संवाददाता
जेठ १२, २०८१ शनिबार
फेरिए नारायणी अस्पतालको मेसु, डा.एनामुलले पाए जिम्मेवारी
आबिद हुसेन
जेठ १३, २०८१ आइतबार
अस्पतालमा आगलागी हुँदा सात नवजात शिशुको मृत्यु
नेपालबहस संवाददाता
जेठ १३, २०८१ आइतबार
फेरिए नारायणी अस्पतालको मेसु, डा.एनामुलले पाए जिम्मेवारी
जेठ १३, २०८१ आइतबार
सिरोहिया पक्राउ बारे बोलेका महजोडीले चौतर्फी आलोचना भएपछि मागे माफी
जेठ १४, २०८१ सोमबार
तराईमा केही दिन अत्यधिक गर्मीको सम्भावना, सतर्कता अपनाउन अनुरोध
जेठ १३, २०८१ आइतबार
मेरो सपना पूरा नभए पनि देशको सपना पूरा भएकोमा खुसी छु : सन्दीप
जेठ १४, २०८१ सोमबार
नेप्से सामान्य अंकले बढ्यो, तीन अर्ब ८९ करोडभन्दा बढीको कारोबार
जेठ १४, २०८१ सोमबार
गृहमन्त्री र महान्यायाधिवक्ताविरुद्धको रिटमाथि प्रारम्भिक सुनुवाई बुधबार हुने
जेठ १४, २०८१ सोमबार
भारतको उत्तरी क्षेत्रमा तापक्रम ५० डिग्री सेल्सियस, जनजीवन प्रभावित
जेठ १४, २०८१ सोमबार
गाजाको राफाह शिविरमा इजरायली आक्रमणमा परी मृत्यु हुनेको संख्या ४० पुग्यो
जेठ १४, २०८१ सोमबार