साथीहरुसँग लुकामारी खेल्न निस्केकी बालिका बलात्कृत, एक जना पक्राउ

२१ मंसिर, काठमाडौं । प्रहरीले भक्तपुरको सूर्यविनायक नगरपालिका–२ स्थित बालकोटमा साथीभाइसँग लुकामारी खेल्न गएकी १२ वर्षीया बालिका बलात्कृत भएकी छिन् ।

प्रहरीका अनुसार स्थानीय रातोपुलमा रहेको गहुँबारीमा १७ वर्षका किशोरले बालिकालाई बलात्कार गरेको आरोपमा प्रहरीले उनलाई पक्राउ गरेको जनाएको छ ।

प्रहरीका अनुसार सुनसरी घर भएका १७ वर्षीय किशोरलाई बलात्कारमा संलग्न आरोपमा पक्राउ गरिएको छ । बालिका आफ्ना साथीहरुसँग लुकामारी खेल्न गएकी थिइन् ।

अन्य बालबालिकाहरु खेलेर हिँडेपछि किशोरले गहुँबारीमा लगेर उनलाई बलात्कार गरेको बताइएको छ । उनलाई प्रहरीले सोमबार टिकाथलीबाट पक्राउ गरेको हो । घटनाबारे महानगरीय प्रहरी वृत ठिमीले अनुसन्धान गरिरहेको छ ।