भारतकी हरनाज सन्धु बनिन् मिस यूनिवर्स

२७ मंसिर, काठमाडौं । भारतकी सुन्दरी हरनाज कौर सन्धुले ७० जना प्रतिस्पर्धीलाई पछि पार्दै मिस युनिभर्स –२०२१ को ताज जितेकी छन् ।

सोमबार इजरायलको इएलाटमा आयोजित ७०औं मिस युनिभर्स प्रतियोगिताको फाइनल राउन्टमा पाराग्वे र दक्षिण अफ्रिकाका सुन्दरीलाई पछि पार्दै सन्धुले मिस युनिभर्सको ताज पहिरिन सफल भएकी हुन् ।

सन्धु भरतको पञ्जाबस्थित चन्डिगढकी बासिन्दा हुन् । २१ वर्षीया सन्धु मिस युनिभर्स बन्ने तेस्रो भारतीय सुन्दरी हुन् ।
मिस युनिभर्समा भाग लिनु पहिला उनले फिल्म क्षेत्रमा समेत काम गरेकी छन् । उनी अभिनित पञ्जाबी फिल्म ‘भाइ जी कुटाङ्गे’ र ‘यारा गियान पू बरम’ आगामी वर्ष रिलिज हुँदैछन् ।

योसँगै भारतले २१ सालपछि मिस युनिभर्सको उपाधि जितेको छ । यसअघि सन् १९९४ मा सुश्मिता सेन र २००० मा लारा दत्ताले उक्त उपाधि जितेका थिए । मिस युनिभर्स पेजेण्ट डिसेम्बरमा इजरायलमा भएको थियो ।
मिस युनिभर्स रनरअप मा पाराग्वेकी नाडिया फेरेरा र सेकेन्ड रनरअपमा मिस साउथ अफ्रिकाकी लालेला मस्वाने भएकी थिईन् ।

पञ्जाबस्थित चन्डिगढकी बासिन्दा हरनाजले मिस दीवा मिस युनिभर्सको उपाधी पाएकी थिईन् । हरनाज पेशाले एक मोडल हुन् । उनले चन्डिगढबाट नै स्कुलको शिक्षा पाएकी थिन भने अहिले उनी मास्टर्स गरिरहेकी छन् ।
उक्त मिस युनिभर्समा बलिउडकी नायिका उर्वशी रौतेलाले जर्ज गर्ने मौका पाएकी थिईन् । उनी भारतीय पक्षको टीममा थिईन् ।