माओवादी केन्द्र गण्डकीको अध्यक्षमा गायत्री गुरुङ सर्वसम्मत

२७ मंसिर, पोखरा । नेकपा(माओवादी केन्द्र)को गण्डकी प्रदेश अध्यक्षमा सर्वसम्मत रुपमा गायत्री गुरुङ (कुसुम) चयन भएकी छन । शनिबारदेखि पोखरामा जारी रहेको प्रदेश अधिवेशनले कुसुमलाई अध्यक्ष चयन गरेको हो ।

आज बसेको बैठकले भने अध्यक्षमा कुसुमलाई सर्वसम्मत रुपमा चयन गरेको हो । अध्यक्षमा चयन भएकी गुरुङ गण्डकी प्रदेशसभा सदस्य हुन् । शनिबार सुरु भएको प्रदेश अधिवेशनमा आकांक्षीहरु धेरै भएपछि प्रदेश सदस्य मात्र निर्वाचित भएका थिए । प्रदेशको पहिलो बैठकबाट अध्यक्ष तोक्ने गरि आइतबार नै बैठक चलेको थियो । तर आकांक्षी धेरै भएकाले समिती पदाधिकारी टुंग्याउन सकस परिरहेको छ ।

अध्यक्षको टुंगो लागे पनि उपाध्यक्ष, सचिवसहित आठ पदाधिकारीको भने टुंगो लागेको छैन । बाँकी पदाधिकारीको टुंगो अर्को बैठकले लगाउने बताइएको छ ।