कांग्रेस महामन्त्रीमा शर्मा र थापा विजयी

१ पुस, काठमाडौं । नेपाली कांग्रेसको महामन्त्री पदमा विश्वप्रकाश शर्मा र गगनकुमार थापा निर्वाचित भएका छन् । कांग्रेसको १४औँ महाधिवेशन अन्तर्गत गत मंसिर २७ गते सम्पन्न निर्वाचनको अन्तिम मतगणना अनुसार महामन्त्री द्वयमा उनीहरु निर्वाचित भएका हुन् ।

पार्टी केन्द्रीय कार्यालय सानेपामा भर्खरै सम्पन्न मतगणनामा अनुसार थापाले तीन हजार २३ र शर्माले एक हजार ९८४ मत प्राप्त गररेका छन् । त्यसैगरी महामन्त्रीका अन्य उम्मेदवारहरु क्रमशः डा. प्रकाशशरण महतले एक हजार एक हजार ५५६, प्रदीप पौडेलले एक हजार ३९३, डा. मीनेन्द्र रिजालले ८०९ र डा. राजाराम कार्कीले १०६ मत प्राप्त गरेको कांग्रेसको केन्द्रीय निर्वाचन समितिले जनाएको छ ।

चार हजार ६८२ मत गणनामा भएकोमा सबैभन्दा बढी मत थापाले ल्याएका छन् भने शर्माले दोस्रो स्थानमा जीत हासिल गररेका छन् । महामन्त्री उम्मेदवारको मतगणना बिहान १०ः२० बजेदेखि सुरु भएको थियो ।

कांग्रेस विधान अनुसार केन्द्रीय कार्यसमितिका दुई महामन्त्रीका लागि सोमबार निर्वाचन भएको थियो । उपभापति पदमा पार्टीका युवा नेताहरु थापा, डा.महत, पौडेल, डा.रिजाल, डा.कार्की र शर्मा उम्मेदवार थिए ।