प्रदीप हँसिलो मुद्रामा पार्टी कार्यालय सानेपामा

१ पुस, काठमाडौं । नेपाली कांग्रेसको महामन्त्रीमा प्रदीप पौडेलसहित चार नेता पराजित भएका छन् । तर प्रदीप हँसिलो मुद्रामा पार्टी कार्यालय सानेपामा देखिएका छन् ।

दुई जना महामन्त्रीका लागि २७ मंसिरमा भएको निर्वाचनको बिहीबार सार्वजनिक अन्तिम मत परिणाम अनुसार पौडेलसहित प्रकाशरण महत, मीनेन्द्र रिजाल र राजाराम कार्की पराजित भए ।

महामन्त्रीमा विश्वप्रकाश शर्मा र गगनकुमार थापा विजयी भएका छन् । थापाले तीन हजार २३ मत र शर्माले एक हजार ९८४ मत ल्याएर निर्वाचित भएका कांग्रेस केन्द्रीय निर्वाचन समिति संयोजक गोपालकृष्ण घिमिरेले जानकारी दिए ।

यस्तै महामन्त्रीका अन्य उम्मेदवार प्रकाशशरण महतले एक हजार ५५६, प्रदीप पौडेलले एक हजार ३९३, मिनेन्द्र रिजालले ८०९ र राजाराम कार्कीले १०६ मत ल्याएर पराजित भएका संयोजक घिमिरेले जानकारी दिए ।

उनका अनुसार निर्वाचनमा कुल चार हजार ६८२ मत खसेकोमा ४३ मत बदर भएको छ । तर, आफू महामन्त्रीमा पराजित भए पनि प्रदीप हँसिलो मुद्रामा पार्टी कार्यालय सानेपामा थिए ।