एलआइसीद्वारा २१ दशमलव ०५ प्रतिशत लाभांश घोषणा, बोनस कति ?

९ पुस, काठमाडौं । लाइफ इन्स्योरेन्स कर्पोरेसन नेपाल ‘एलआइसीएन’ ले लाभांश घोषणा गरेको छ ।

कम्पनीले आर्थिक वर्ष २०७६/७७ को लाभांश घोषणा गरेको छ । कम्पनीको बिहीबार बसेको सञ्चालक समिति बैठकले हाल कायम २ अर्ब २१ करोड १० लाख रुपैयाँ चुक्ता पुँजीमा २० प्रतिशत बोनस शेयर र कर तिर्न १.०५ प्रतिशत नगद लाभांश वितरण गर्ने निर्णय गरेको हो ।

प्रस्तावित लाभांश नियामक बिमा समिति र कम्पनीको आगामी वार्षिक साधारण सभाले अनुमोदन गरेपछि सेयरधनीहरुलाई वितरण हुनेछ ।