१९ जीवन बीमा कम्पनी कुनले कति आर्जन गरे बीमाशुल्क ?

११ पुस, काठमाडौं । १९ जीवन बीमा कम्पनीहरुले १५ अर्बबढि बीमाशुल्क आर्जन गर्न सफल भएका छन् । मंसिर मसान्तसम्ममा जीवन बीमा कम्पनीहरुले १५ अर्ब ३४ करोड ५२ रुपैयाँ प्रथम बीमाशुल्क संकलन गरेका हुन् ।

बीमा समितिको तथ्याङ अनुसार मंसिर महिनामा १९ जीवन बीमा कम्पनीहरुले ३ अर्ब १३ करोड रुपैयाँ प्रथम बीमाशुल्क आर्जन गरेका छन् ।

नेपाल लाइफ इन्स्योरेन्सको वर्चस्व कायमै रहेको छ । कम्पनीले सबैभन्दा धेरै बीमाशुल्क आर्जन गर्न सफल भएका छन् । कम्पनीले पाँच महिनाको अवधिमा २ अर्ब ९८ करोड रुपैयाँ प्रथम बीमाशुल्क आर्जन गर्न सफल भएका छन् ।

त्यस्तै, नेशनल लाइफ इन्स्योरेन्स १ अर्ब ८३ करोड ६२ लाख, सिटिजन्स लाइफ इन्स्योरेन्सले १ अर्ब ५ करोड ३० लाख, युनियन लाइफ इन्स्योरेन्सले ९८ करोड ७५ लाख, एलआईसीले ९३ करोड ३८ लाख, रिलायबल नेपाल लाइफले ८४ करोड ८१ लाख, एशियन लाइफले ७६ करोड ६ लाख रुपैयाँ, सूर्या लाइफ ७३ करोड ५ लाख ९८ हजार, मेट लाइफले ६४ करोड १ लाख, ज्योति लाइफले ६० करोड ५८ लाख, प्राइम लाइफले ५६ करोड ४३ लाख र आईएमई लाइफले ५३ करोड २६ लाख रुपैयाँ प्रथम बीमाशुल्क आर्जन गर्न सफल भएका छन् ।

त्यस्तै, रिलायन्स लाइफले ४९ करोड २३ लाख, प्रभु लाइफले ४९ करोड ११ लाख, राष्ट्रिय बीमा संस्थानले ४९ करोड ४ लाख र सानिमा लाइफले ४७ करोड ६ लाख रुपैयाँ, सन नेपाल लाइफले ३५ करोड ३८ लाख रुपैयाँ, महालक्ष्मी लाइफले २८ करोड ९७ लाख र गुराँस लाइफले २७ करोड ८७ लाख रुपैयाँ मात्र प्रथम बीमाशुल्क आर्जन गर्न सफल भएका छन् ।