मोटरसाइकलको टयांकीभित्र ३८ लाख लुकाउने युवक नियन्त्रणमा

२२ पुस, जनकपुरधाम । सशस्त्र प्रहरीले मोटरसाइकलको टयांकीभित्र ३८ लाखसहित एक जनालाई नियन्त्रणमा लिएको छ ।

भारतबाट नेपालतर्फ आउँदा मोटरसाइकलको टयांकीभित्र ३८ लाख रुपैयाँ लुकाउने एक युवकलाई सशस्त्र प्रहरी बलले बिहीबार आफ्नो नियन्त्रणमा लिएको हो ।

पक्राउ पर्नेमा धनुषाको लक्ष्मिनियाँ गाउँपालिका १ का २३ बर्षीय अमितकुमार यादव छन् । सशस्त्र प्रहरी बलले पक्राउ परेका यादवलाई थप अनुसन्धानका लागी नेपाल प्रहरीको जिम्मा लगाउने बताएको छ ।

यादव चढेको प्रदेश २–०२००१ प ०४७७ नम्बरको मोटरसाइकल धनुषाको नगराइन नगरपालिकास्थित जटहीमा चेकजाँच गर्दा टयांकीभित्र ३८ लाख ३५ हजार नेपाली रुपैयाँ लुकाएको भेटिएको बताइएको छ ।