स्याङ्जा बाडखोला मुस्लिम समाजको सहयोग

♦ प्रकाश डोटेल

१ फागुन, स्याङ्जा । स्याङजा बाड्खोला मुस्लिम समाज पुतलीबजार नगरपालिका–३, ले एक कार्यक्रमकाबीच फेदीखोला गाउँपालिकामा रहेको अमोर सेवा नेपालमा रहेका २७ बालबालिकाहरुलाई शैक्षिक सामग्री, खाद्यान्य र नगद हस्तान्तरण गरेको छ ।

शैक्षिक सामाग्री हस्तान्तरण गर्दै स्याङजा बाड्खोला मुस्लिम समाजका अध्यक्ष सैदुदिन मियाँले अनाथ बालबालिकाहरुलाई र गरिव जेहेन्दार बालबालिकाहरुलाई खुलेर सहयोग गर्नुपर्ने बताए । उनले ईस्लाम धर्मले नै गरिव जेहन्दार बालबालिकाहरुलाई अनिवार्य रुपमा सहयोग गर्नुपर्ने बताए अनुरुप सहयोग गरिएको जानकारी दिए ।

सहयोग हस्तान्तरण कार्यक्रममा पुतलीबजार नगरपालिका–३ का वडा सदस्य अली मोहम्मद र नुरी ईलामीक विद्यालयका पुतलीबजार नगरपालिका–३ का अध्यक्ष अली मियाँ ‘मुमु’ लगाएतले मन्तव्य राखेका थिए । शैक्षिक सामग्री ग्रहण गर्दै अमोर सेवा नेपाल बालगृहकी अध्यक्ष कमला पराजुलीले सहयोगी हात स्याङजा बाड्खोला मुस्लिम समाजलाई धन्यबाद ज्ञापन गरिन् । कार्यक्रमको संचालन सचिव इकबाल अलिले गरेका थिए ।

लामो समय देखी छिमेकी जिल्लाहरुमा समेत सहयोग उपलब्ध गराएको स्याङजा बाड्खोला मुस्लिम समाजले जनाएको छ । मुस्लिम समाजले आउने पिडीलाई असल चरित्र निमार्ण गर्नको निम्ती जानकारी सहित विभिन्न सचेतना मुलक कार्यक्रमहरुको आयोजना गरेको नुरी ईलामीक विद्यालयका अध्यक्ष अली मियाँ ‘मुमु’ ले बताए ।

स्याङ्जा बाड्खोला मुस्लिम समाजको समन्वय गरेर बाड्खोला मुस्लिम युथ क्लबले तनहुँ जिल्लाको तुरतुरे बजार निबासी एक महिलालाई आर्थिक सहयोग स्वरुप पचिस हजार सहयोग हस्तान्तरण गरेको छ । सहयोग हस्तान्तरणमा क्लबका अध्यक्ष अयुब मियाँ, सचिब मकबुल मियाँ, स्याङ्जा मुस्लिम युथ का अध्यक्ष सागिर अलिले सहजीकरण गरेका थिए ।