कपिलवस्तुमा दाउराले कन्चटमा प्रहार गरेर ७० वर्षीय बृद्धकाे हत्या

११ फागुन, कपिलवस्तु। कपिलवस्तुको शिवराज नगरपालिका–३ खगेन्द्रपुरमा कुटपीटबाट एक बृद्धको मृत्यु भएको छ। छोरीको घरमा बस्दै आएका गुल्मी दरबार देविस्थान गाउँपालिका–६ चारपाला घर भएका ७० वर्षीय उदय बहादुर टन्डनको कुटपिटबाट मृत्यु भएको हो।

शिवराज नगरपालिका–३ बस्ने २२ वर्षीय तिलक भण्डाराले घर अगाडि खटियामा सुतेको अवस्थामा फागुन २ गते टन्डललाई दाउराले कन्चटमा प्रहार गरेका थिए। घटनामा गंभीर घाइते भएका टन्डनको स्थानीय संजीवनी अस्पतालमा उपचारको क्रममा मृत्यु भएको प्रहरी उपरिक्षक दान बहादुर कार्कीले बताए।

घटनाको आरोपमा प्रहरीले तिलकलाई पक्राउ गरी अनुसन्धान अघि बाढएको उनले बताए। प्रारम्भिक अनुसन्धानको क्रममा तिलक मानसिक सन्तुलन गुमाएको व्यक्ति रहको भन्ने बुझिएको प्रहरीले जनाएको छ।