शेयरबजार २५०० सम्म आउनसक्ने यस्तो छ साप्ताहिक समीक्षासहितको प्राविधिक पक्ष

१३ फागुन, काठमाडौं । साताको पहिलो दिन झण्डै ४० अंकले घटेको शेयरबजार साताको अन्तिम दिनमा पनि लगभग ६० अंकले गिरावट आयो । समग्रमा साताभरमा बजार ७१.१ अंकले घटेको छ ।

यो साता बजारमा ५ दिन कारोबार भएकोमा ३ दिन घट्यो २ दिन बढ्यो । यो साता कारोबार तथा शेयर भोलुम दूबैमा गिरावट आएको छ ।साप्ताहिक रुपमा यो साता शेयरबजारमा झण्डै १८ अर्ब कारोबार भएको छ । यो साता लगातार घटेको बजार आगामी साता पनि अझै केही अंकले गिरावट आउन सक्ने प्राविधिक बिश्लेषणबाट बुझन सकिन्छ ।

साताको अन्तिम दिन क्याण्डल स्टिक प्याट्रन अन्तगर्त बियरिस मारुबुजु क्याण्डल बनेको छ । यसले बजार बियरिस टे«ण्मा भएको बुझिन्छ । बजार कति घट्छ तथा कति बढ्छ भनेर हामीले बिभिन्न टुल्समार्फत हेर्न सक्छौ । यसको लागि एउटा माध्यम भनेको फिवोनासी
टुल्सका अनुपात हुन ।

यस्ता अनुपातलाई फिवोनासी गोल्डेन अनुपातहरु पनि भनिन्छ । ती अनुपातहरु २३.६, ३८.२, ५०, ६१.८ र १०० प्रतिशत हुन् । यदि बजार आगामी साता पनि घट्छ भने ०.२३ को टेवा २८१०, ०.३८ को टेवा २७०४ मा र ०.५ को टेवा २६१८ सम्म आउन सक्छ । अहिले बजारले ०.३८ को प्रतिरोधलाई भत्काइ सकेर २६६१.४४ मा बन्द भएको छ ।

त्यसपछि पनि बजारमा गिरावट आउँछ भने बजार ०.६१ को टेवा २५३८ सम्म पनि आउन सक्छ । शेयरबजारमा धेरै जस्सो प्रोफेसन कारोबारीहरुले बजार घटेपछि फिवोनासीको ०.६१ को तहसम्म कुर्ने भएकोले यदि आगमी साता पनि बजार घट्छ भने २५३८ सम्मको बिन्दुमा बजार आउन सक्छ । (हेर्नुस् तस्वीरमा )