रुसले गर्यो ५२ देश र क्षेत्रहरुलाई अमित्र घोषणा (सूचीसहित)

२४ फागुन, काठमाडौं । रुसले युक्रेनको पक्ष लिई आफूमाथि विभिन्न प्रकारका नाकाबन्दी गर्ने देशहरुलाई अमित्र घोषणा गर्दै सूची जारी गरेको छ । रुसी समाचार संस्था तासले यो जानकारी हालै आफ्नो वेभपेजमा सार्वजनिक गरेको हो ।

यी देशहरुसँग कुनै पनि प्रकारको आर्थिक सम्बन्ध राख्न रुसका कम्पनीहरुले त्यहाँको सरकारको अनुमति लिनुपर्ने व्यवस्था पनि गरिएको उक्त समाचार संस्थाले जनाएको छ ।

यस सूचीलाई युक्रेनको पक्षधर देशहरुका बिरुद्ध रुसको प्रतिक्रियाका रुपमा हेरिएको छ । अमित्र घोषणा गरिएका देशहरु यी रहेका छन् ।
(१) अल्बानिया
(२) एन्डोरा,
(३) अष्ट्रेलिया,
(४) ग्रेट ब्रिटेन,
(५) जर्सी,
(६) एङ्गुइला,
(७) ब्रिटिश भर्जिन टापुहरू,
(८) जिब्राल्टर,
(९) युरोपेली संघका २७ वटा सदस्य राष्ट्रहरू,
(१०) आइसल्याण्ड,
(११) क्यानडा, लिचेस्सटाइन,
(१२) माइक्रोनेसिया,
(१३) मोनाको,
(१४) न्यूजील्याण्ड,
(१५) नर्वे,
(१६) दक्षिण कोरिया,
(१८) सान मारिनो,
(१९) उत्तरी म्यासेडोनिया,
(२०) सिंगापुर
(२१) संयुक्त राज्य अमेरिका,
(२२) चीनको ताइवान,
(२३) युक्रेन,
(२४) मोन्टेनेग्रो,
(२५) स्वीजरल्याण्ड
(२६) जापान