शान्ती स्काउटद्वारा विभिन्न संस्थाका प्रतिनिधिहरुलाई सम्मान

३० फागुन, काठमाडौ ।  महाहिवरात्री पर्वका अवसरमा पशुपति क्षेत्रमा सामाजिक कार्य (स्वयम सेवक)मा खटिएका विभिन्न संघसंस्थाका प्रतिनिधि तथा स्काउट सदस्यहरुलाई सम्मान गरिएको छ ।

नेपाल शान्ती स्काउटले आज राजधानीमा एक कार्यक्रमको आयोजना गरी शिवरात्रीमा पशुपतिमा खटिएका विभिन्न संघसंस्थाका प्रतिनिधिहरुलाई प्रमाणपत्रसहित सम्मान गरिएको हो ।

शिवरात्रीका दिन पशुपति पुगेका दर्शनार्थीहरुलाई दर्शन गराउन लाइन मिलाउनेदेखि स्वास्थ्य शिविर संञ्चालनका लागि खटिएका स्वयम सेवकहरुले उत्कृष्ट सेवा गरेको र भविश्यमा पनि यस्तै सेवाप्रति अभिप्रेरित गर्न उनिहरुलाई सम्मान गरिएको नेपाल शान्ती स्काउटका प्रतिनिधिले जानकारी दिए ।

कार्यक्रमा नेपाल लाइन्स क्लबसंग आबद्ध विभिन्न क्लबका प्रतिनिधिहरुलाई पनि प्रमाणपत्रसहित सम्मान गरिएको छ ।

यसै क्रममा लाइन्स क्लब काठमाडौं अन्तरगत लाइन्स क्लब काठमाण्डौ ताराका सचिव राजकुमार बस्नेत, मनिषा निरौला, इश्वरी जंगम लगायत लाइन्स क्लब अन्तरगतका विभिन्न क्लबका प्र्रतिनिधिहरुलाई प्रशंसापत्रसहित सम्मान गरिएको थियो ।

कार्यक्रममा धेरै जना स्काउटमा सदस्यहरु पनि प्रशंसा पत्र प्रदान गरिएको थियो ।