स्याङ्जामा ठूलो परिणाममा काठ बरामद

१५ चैत, स्याङ्जा । स्याङ्जाको चापाकोट नगरपालिकाबाट प्रहरीले ठूलो परिणाममा सालको काठ बरामद गरेको छ ।

जिल्लाप्रहरी कार्यालय स्याङ्जाका प्रवक्ता एवं सूचनाअधिकारी प्रहरी नायवउपरीक्षक राजेन्द्र प्रसादअधिकारीले दिएको जानकारी अनुसार चापाकोट नगरपालिका ६ घारापानीबाट प्रहरी चौकी साँखरबाट खटिएको टोलीले ठूलो परिणाममा सालको काठ बरामद गरेको हो ।

रोकी राखेको ग १ त २६५० नम्बरको ट्याक्टर चेकजाँचगर्ने क्रममा ३४ थानचिरान ५३.८१ क्युफिट काठ फेलापारेको प्रहरीले जनाएको छ ।

प्रहरीले फेला परेको काठ र ट्याक्टरलाई नियन्त्रणमा लिई आवश्यक कारवाहीको लागि सब– डिभिजन कार्यालय चापाकोटमा बुझाएको प्रहरीले जनाएको छ ।