सशस्त्रको गुणमापक परीक्षामा अनियमिता भएको आशंका

१६ चैत, काठमाडौं । सशस्त्र प्रहरी बलले सिनियर अधिकृत भर्नामा लिने गुणमापक परीक्षामा व्यापक अनियमिता भएको आंशका गरिएको छ । फागुन २५ गतेदेखि चैत १३ गतेसम्म लिएको सो परीक्षामा सहभागी ६० जना परीक्षार्थी मध्ये ४९ जना मात्रै उत्तीर्ण हुँदा सो आशंका गरिएको हो ।

गत भदौ ११ गते ७५ जनाको संख्या माग गरि खुलाइएको सशस्त्र प्रहरी निरीक्षकको विज्ञापनमा लिखत परिक्षामा मात्र ६१ जना उतिर्ण भएपछि सो परीक्षा फागुन २६ गते्देखि शुरु गरिएको थियो । चैत १३ गते नतिजा निकाल्दा ४९ जना मात्रै पास गराइएको थियो । त्यसक्रममा शारीरिक रुपमा फिट नभएका व्यक्तिहरु समेत उत्तीर्ण गराउदा विभागीय कर्मचारीहरुलाई अउत्तीर्ण गराइएको छ ।

सशस्त्र प्रहरी मूख्यालय स्रोतका अनुसार सो गुणमापक परीक्षाका लागि धेरै वर्षदेखि एउटै समूह सहभागी रहने गरेको छ । हाल प्रदेश २ मा कार्यरत रहेका डिआइजी गणेश ठाडामगर, अवकाशप्राप्त डिआइजीहरु केबी ब्रह्माचार्य, राजेन्द्र बस्नेत, बाबुराम पाण्ड र नेपाली सेनाका अवकाश प्राप्त कर्णेल प्रदीराज कार्की गुणमापक समितिमा बस्ने गरेका छन् ।

विगतमा लोकसेवा आयोग पास गरेका सबैलाई गुणमापक समितिले पास गराउने गरेको थियो । तर उनीहरुमात्रै गुणमापक समितिमा बस्नु र विभागीय प्रहरी अधिकृतसँग केही समय अघि आर्थिक लाभको कुराकानी समेत गर्नुले अनियमिता भएको आंशका गरिएको ।

यसअघि पनि सो समितिले अघिल्लो दिन असफल भएका परीक्षार्थीलाई भोलिपल्ट पास गराउने समेत गरेको पाइएको छ । सिसं ६ र ९ का प्रहरी कर्मचारीलाई यसरी अघिल्लो दिन असफल गराउने र भोलीपल्ट पास गराउने गरिएको स्रोतको दावी छ ।