सेनाद्वारा सशस्त्र प्रहीलाई ५ सय ९० थान हतियार हस्तान्तरण

२७ चैत्र, काठमाडौं । नेपाली सेनाले सशस्त्र प्रहरी बललाई ५ सय ९० थान हतियार हस्तान्तरण गरेको छ । प्रधानसेनापति प्रभुराम शर्माले सशस्त्र प्रहरीका महानिरीक्षक शैलेन्द्र खनाललाई आइतबार पाँच सय ९० नाल हतियार हस्तान्तरण गरेका हुन् ।

सेनाले बाँकी हतियार तथा एम्युनिसन क्रमश हस्तान्तरण गर्दै लगिने जनाएको छ । सेनाले दिएका हतियारले यसबाट सशस्त्र प्रहरी बलको क्षमता अभिवृद्धि हुने बताएको छ । यस्ता कार्यक्रमले सुरक्षा निकायहरूबीचको सम्बन्ध समेत थप बलियो हुने विश्वास नेपाली सेनाले लिएको जंगी अड्डाले जनालेको छ ।

सेनाको जनसम्पर्क तथा सूचना निर्देशनालयका जंगी अड्डाका अनुसार रक्षा र गृहसचिव, नेपाली सेना र सशस्त्र प्रहरीका अधिकारीहरूको उपस्थितिमा हतियार हस्तान्तरण गरिएको हो । सशस्त्र प्रहरी बलनेपाललाई तालिम, विशिष्ट र अतिविशिष्ट व्यक्ति सुरक्षा, कार्यालय सुरक्षा तथा ठूला कार्यक्रमहरू संचालन गर्ने प्रयोजनका लागि मन्त्रिपरिषद्को मिति २०७८ चैत्र २४ गतेको निर्णय बमोजिम नेपाली सेनाले सहयोग स्वरुप दिएको बताइएको छ ।

जस्मा ईन्सास राइफल नाल नौ हजार र एलएसडब्ल्यू नाल एक हजार छ सय गरी कूल १० हजार ६ सय नाल हतियार उपलब्ध गराउने छ । सोही अनुरुप, आज पहिलो चरणमा ईन्सास राइफल नाल पाँच सय र एलएसडब्ल्यू नाल ९० गरी कूल ५ सय ९० नाल हतियार हस्तान्तरण गरिएको हो,’ निर्देशनालयले भनेको छ ।