सीमा नाकाबाट मानवको हड्डीसहित भारतीय नागरिक नियन्त्रणमा

२९ चैत्र,  विराटनगर । सशस्त्र प्रहरीले नेपाल भारत सीमा नाकाबाट मान्छेका हड्डीसहित भारतीय विद्यार्थीलाई  नियन्त्रणमा लिएकाे छ ।

सशस्त्र प्रहरी बल बीओपी ‘बोर्ड आउट पोस्ट’ रानीले मंगलबार दिउँसो सीमावर्ती क्षेत्र रानीबाट मानव शरीरका हड्डीसहित भारत बिहारको पूर्णिया नगरपञ्चायतका २६ वर्षीय आदित्य सिन्हालाई  नियन्त्रणमा लिएकाे हाे ।

प्रहरीले उनको साथबाट प्रतिष्ठानले सन् २०१६ मा जारी गरेको परिचय पत्र सहित पढाइ सकेर भारत फर्कने क्रममा उनले कार्टुनमा लुकाएको अवस्थामा कङ्काल फेला पारेकाे बताएकाे छ ।

प्रहरीका अनुसार सिन्हाले भारततिर लैजाँदै गरेको अवस्थामा मानव खप्पर, बंगारा, घाँटी र हिपको हड्डी १र१ वटा, काँधको हड्डी २, खुट्टाको नली हड्डी ३, हातको हड्डी ६, करङ ७, ढाड, औंला र कुर्कुच्चाको हड्डी ८र८ वटा बरामद भएको छ ।

नेपाल भारत सीमा नाकाबाट पक्राउ परेका सिन्हालाई सशस्त्र प्रहरीले आवश्यक कारवाहीका लागि नेपाल प्रहरीको जिम्मा लगाएको छ ।