लक्का जवानकाे प्रचार प्रसारमा व्यस्त प्रियंका

७ बैशाख, काठमाडौं । यहि बैशाख महिनाको अन्तिम साताबाट फिल्म ‘लक्का जवान’ प्रदर्शनमा आउने भएको छ । यतिबेला फिल्मको प्रचार प्रसारमा व्यस्त छिन्, हालै आमा बनेकी अभिनेत्री प्रियंका कार्की ।

पछिल्लो समय अभिनेत्री कार्की वैशाख २३ गतेबाट प्रदर्शन हुने फिल्म ‘लक्का जवान’ को प्रचार प्रसारमा निकै व्यस्त देखिएकी हुन् । केही दिन अगाडी उनी फिल्मको प्रचार गर्न कमेडी क्लब पुगेकी थिइन्।

शिवहरी पौडेलको निर्देशनमा बनेको फिल्ममा प्रियंका कार्की, दिलीप रायमाझी, सलोन बस्नेत, वर्षा सिवाकोटी, सरोज खनालकिरण केसी, राजाराम पौडेल, सुशील पोखरेल, सुरेन्द्र केसी, जयनन्द लामा लगायतको अभिनय छ ।