तपाईकाे साप्ताहिक राशीफल [ बैशाख ११ गते आइतबारदेखी बैशाख १७ गते शनिबारसम्मको ]

मेष (चु.चे.चो.ला.लि.लु.ले.लो.अ) :- साताको सुरु र अन्तको समय राम्रो रहेकोले प्रविधिको उच्चतम् प्रयोग गरी रचानात्मक कार्य गर्न सकिने छ । पैत्रिक धनको प्रयोग मार्फत व्यवसाय गरी रोजगारीका अवसर सिर्जना गर्न सकिने छ । अध्ययन तथा अनुसन्धानमा ध्यान केन्द्रित हुँदा उत्कृष्ट नजिता हात पार्न सकिने छ । प्रेममा सामिप्यता बढेर जानेछ भने जीवनसाथिको सहयोगले राम्रा काम गर्न सकिने छ । जमघटमा मिष्ठान्न भोजन ग्रहण गर्न सकिने छ । राजनीति तथा समाजसेवामा जनताको समर्थन रहने छ । मंगलबार र बुधबारको समय मध्यम रहेकोले लगानी बढाएपनि आम्दानी कम नै हुनेछ । आम्दानी भन्दा खर्च बढ्नाले दैनिकि असहज हुनसक्छ ध्यान दिनुहोला । मायाप्रेममा एक अर्कालाई आशंका गर्नाले टाडिनु पर्ने बाध्यता आउने छ ।

वृष (इ.उ.ए.ओ.वा.वि.वु.वे.वो) :- पुर्खौली धन तथा सम्पतीको प्रयोग मार्फत मनग्गे लाभ लिन सकिने छ । पुराना विवादलाई सल्टाउन तपाईको महत्वपूर्ण भूमिका हुने तथा लोकप्रियता चुलिने छ । शुभचिन्तक तथा परिचित व्यक्तीबाट सहयोग जुट्नाले काम गर्न सहज हुने छ । कार्यक्षेत्रमा राम्रो काम गरी नाम तथा दाम दुवै कमाउन सकिने छ । अध्ययनमा मन जाने छ । प्रणय सम्बन्धमा पथ प्रगाडता थपिने छ । बिहीबारबाट समय मध्यम रहेकोल आम्दानी भन्दा खर्च बढ्नाले आर्थिक अवस्था तथा दैनिकी प्रभावित हुनेछ । खानपानमा ध्यान नदिए स्वास्थ्यमा समस्या आई खर्च बढ्ने छ । नियम संगत काम नगर्नाले दण्ड तथा जरिवाना तिुर्नुपर्ने हुन सक्छ ध्यान दिनुहोला । तपाईको व्यवहारले मायाप्रेममा अबिश्वास बढ्ने छ ।

मिथुन (क.कि.कु.घ.ङ.छ.के.को.ह) :- दार्शनिक विषयवस्तुमा मन जाने हुनाले फराकिलो ज्ञान आर्जन गर्न सकिने छ । दाम्पत्य सुख,प्रेम सम्वन्ध तथा पारिवारिक सम्वन्ध सुमधुर हुने छ । बौद्धिक,प्राज्ञिक तथा सिर्जनात्मक कामबाट भनेजस्तो नतिजा हात पार्न सकिने छ । धर्म तथा अध्यात्म क्षेत्रमा बिशेष रुची बढ्ने छ । व्यापारबाट राम्रो आम्दानी हुने हुनाले चिताएको काम समयमा सम्पादन हुुनेछ । कृषी तथा सहकारी व्यावसाय फस्टाएर जानेछ । नोकरी पाउने तथा बढुवा हुने योग रहेको छ । भूमि,बाहन तथा पैत्रिक सम्पतिमा बृद्धी हुने तथा प्राप्त हुनेछ । आफ्नै मेहनेतले जीवन शैलिमा सुधार ल्याउन सकिनेछ । मातापिताको सहयोग तथा समर्थनले कृतिमानी काम गर्न सकिने छ । बिहीबारबाट समय मध्यम रहेकोले आफन्त तथा दाजुभाईको सहयोग नपाउदा कामहरु थाती रहनेछन् । प्राकृतिक स्रोतसाधनको प्रयोग गर्दा ध्यान दिनुहोला अप्रिय घट्ना नघट्ला भन्न सकिन्न ।

कर्कट (हि.हू.हे.हो.डा.डि.डु.डे.डो) :- समय राम्रो रहेकोले धार्मिक तथा शैक्षिक यात्रा हुने योग रहेको छ भने पढाईलेखाईमा मन जाने हुनाले सफलता हात पार्न सकिने छ । समयले साथ दिने हुँदा धर्म तथा अध्यात्म लगाएत अन्य वस्तुको व्यापार फस्टाएर जानेछ । मायाप्रेममा नजिक भई आफ्ना मनका कुरा साटासाट गर्न सकिने छ । तारिफ योग्य काम गरी नाम तथा दाम दुवै कमाउन सकिने छ । राजनीति तथा समाजसेवामा जनताको समर्थन पाईने हुनाले पद प्राप्तीको योग रहेको छ । पैत्रिक स्रोतसाधनको प्रयोग मार्फत आम्दानी बढाउन सकिने छ भने कृषि पशुपालन व्यवसाय फस्टाएर जानेछ । नयाँ काम पाउने तथा नोकरीमा बढोत्तरीको गतिलो योग रहेको छ । सामाजिक सञ्जाल तथा प्रविधिको प्रयोग मार्फत आफ्ना विचारहरु जनमानसमा लैजान सकिने छ ।

सिंह (मा.मि.मु.मे.मो.टा.टि.टु.टे):- साताको सुरु र अन्तको समय राम्रो रहेकोले मायाप्रेममा नजिक हुन सकिने छ भने जीवनसाथिको सहयोगले राम्रा तथा परिणाममुखि काम गर्न सकिने छ । बन्द व्यापार फस्टाएर जाने तथा नयाँ ठाउँमा लगानि गर्ने अवसर जुर्नेछ । व्यवसायकै शवालमा लामो दुरिको यात्रा हुनेछ । भौतिक सम्पती तथा विलाशी वस्तु प्राप्त हुने योग रहेको छ । पढाईलेखाईमा मन जाने हुनाले नतिजा आफैतिर ल्याउन सकिने छ । राजनीतिकर्मी र समाजसेवामा समय खर्चर्नेहरुका लागि समय उत्तम रहेको छ । मंगलबार र बुधबारको समय मध्यम रहेकोले व्यस्तता बढेपनि स्वास्थ्यको ख्याल नगर्दा कमजोरी महसुस हुनेछ । खानपान तथा वाहिरी वातावरणको ध्यान दिनुहोला । व्यापार व्यवसायमा लगानी गर्नुपुर्व आवस्यक तयारी राम्रोसँग गर्नुहोला । गोप्यता भङग हुने तथा आफन्तसँग विवाद बढ्ने छ ।

कन्या (टो.प.पी.पू.ष.ण.ठ पे.पो):-  समय राम्रो रहेकोले अध्ययन,लेखन,कलासाहित्य तथा गितसंगितमा चासो बढ्ने छ भने तपाईको प्रतिभाको उच्च कदर हुनेछ । प्रेम सम्वन्धमा विश्वासको वाताबरण बढ्ने तथा दाम्पत्य जीवन सुमधुर बन्नेछ भने जीवनसाथिको सहयोगले राम्रा काम गर्न सकिने छ । आफन्त तथा दिदिबहिनीहरुबाट सहयोग प्राप्त हुनेछ । नसोचेको धन प्राप्त हुने तथा उपहार प्राप्तीको गतिलो योग रहेको छ । तपाईको बोलीको प्रभाव बढ्ने हुनाले राम्रा काम गरि नाम कमाउन सकिने छ । व्यापारको शिलशिलामा छोटो दुरिको यात्रा हुने अधिक सम्भावना रहेको छ भने व्यवसायमा लगानी गरी प्रशस्त नाँफा कमाउन सकिने छ । भौतिक साधनहरु जुट्नेछन् प्रविधिको प्रयोग मार्फत मनग्गे धन आर्जन गर्न सकिने छ ।

तुला (रा.री.रु.रे.रो.ता.ती.तु.ते) :-  व्यापार व्यवसायमा सानो सानो लगानीबाट पनि मनग्गे धन आर्जन गर्न सकिने छ । अध्ययनमा तपाईको नाम अग्र स्थानमा आउने छ । भौतिक साधन स्रोत तथा उपकरण जुट्नाले दैनिक काम गर्न सहज हुने छ । प्रेम तथा मित्रताको बन्धन कसिलो भएर जाने छ । रमाईलो तथा पारिवारिक माहोलमा दिन बित्नेछ भने पारिवारिक माहोलमा मिष्टान्न भोजन ग्रहण गर्ने अवसर प्राप्त हुनेछ । बिहीबारबाट समय मध्यम रहेकोले कामगर्दा ध्यान दिनुहोला आलोचकहरु बढ्नेछन् । व्यापारमा समय दिएपनि न्यून आम्दानीमा चित्त बुझाउनु पर्नेछ । व्यापारकै शिलशिलामा कष्टकर यात्रा नहोला भन्न सकिन्न । साथिभाई तथा जीवनसाथिको सहयोग नपाईदा कामहरु बिचमा नै छोड्नु पर्ने हुन सक्छ ।

वृश्चिक (तो.ना.नि.नु.ने.नो.या.यि.यु) :-  साताको समय उत्तम रहेकोले नयाँ प्रविधिको प्रयोग मार्फत आम्दानीका स्रोतहरु बढाउन सकिने छ । प्रतिस्पर्धामा प्रतिस्पर्धीहरुलाई किनार लगाउदै विजय भईने छ । बैक तथा बित्तिय क्षेत्रको लगानी अथवा त्यो सँग सम्वन्धीत कामहरुबाट सन्तुष्टी हुन सकिने छ । राम्रा काम गरी अरुको विस्वास जित्न सकिने छ । धैर्यधारण गरी काम गर्नाले कामहरु समयमा नै सम्पन्न हुनेछन् । लामो समयदेखी रोकिएर बसेका कामहरु बन्नाले मन उत्साहित हुनेछ । स्रोत साधन जुटाउदै व्यापारमा लगानी गरी मनग्गे धन आर्जन गर्न सकिने छ । प्रेम तथा मित्रताको बन्धन कसिलो भएर जानेछ । स्थाई सम्पती तथा मन परेको सामान उपहारको रुपमा प्राप्त हुनेछ । सन्तान तथा अनुयायिको साथले उपलब्धीमुलक काम गर्न सकिने छ ।

धनु (ये.यो.भा.भी.भु.ध.फा.ढ.भे) :- साताको सुरु र अन्तको समय राम्रो रहेकोले दाजुभाई तथा छिमेकीसँग मिलेर गरीने व्यापार व्यवसाय फस्टाएर जानेछ । भौतिक सम्पती तथा नगद जुट्नाले लगानी गर्ने सहज वातावरण बन्नेछ । प्रेममा सामिप्यता बढेर जानेछ । उत्कृष्ट नतिजा हात पार्न थोरै समय लगानी नै काफी हुनेछ । छोटो तथा रमाईलो यात्राको तय गर्न सकिने छ । विवादित विषयको निर्णय तयाईकै पक्षमा हुनेछन् ।मंगलबार र बुधबारको समय मध्यम रहेकोले आफ्नै भन्नेहरुले आश्वासन बाड्ने तथा समयमा काम नगर्दिनाले समस्या पैदा हुनेछ । मन परेको मानिससँग टाडिनु पर्दा मन मुटुमा जलन पैदा हुनेछ । घरजग्गा तथा सवारीसाधनको विषयमा विवाद गर्नुपर्ला । राजनीति तथा समाजसेवामा जनताको समर्थन भन्दा आलोचनानै धेरै हुनेछ । पाईरहेको पद गुम्ने खतरा रहेकोछ ध्यान दिनुहोला ।

मकर (भो.जा.जी.जू.जे.जो.ख.खि.खु.खे.खो.गा.गी) :- पैत्रिक सम्पतीको प्रयोग मार्फत आम्दानी बढाउन सकिने छ । बैकिङ क्षेत्रमा गरीएको लगानीबाट मनग्गे धन आर्जन गर्न सकिने छ । प्रणय सम्बन्धका रमाउन चाहनेहरुका लागी समय उत्तम रहेको छ । दाजुभाईको सहयोगले भौतिक सम्पति तथा सवारीसाधन जोड्न सकिने छ । सामाजिक सञ्जाल तथा प्रविधिको प्रयोग मार्फत आफ्ना विचारहरु जनमानसमा लैजान सकिने छ । व्यापार बढ्नुको साथै आम्दानीमा बढोत्तरीको योग रहेको छ । पारिवारिक जमघटमा मिष्ठान्न भोजन ग्रहण गर्ने अवसर जुर्नुको साथै रमाईलो वातावरण समय व्यातित गर्न सकिने छ । गाएन तथा कलाकारीता क्षेत्रमा समय लगानी गर्नेहरुले नाम तथा दाम दुवै कमाउन सक्नेछन् । बिभिन्न साधन स्रोत जुटाई दिगो फाईदा हुने काम आरम्भ गर्न सकिने छ ।

कुम्भ (गु.गे.गो.सा.सी.सु.से.सो.द) :- समय राम्रो रहेकोले व्यापार व्यवसायमा समय दिन सके मनग्गे आम्दानी हुनेछ भने भौतिक सम्पती तथा धातु संग्रह गर्न सकिने छ । विशेष अवसरमा आकर्षक उपहार प्राप्त हुनेछ । ईमान्दारिता र मेहनेतले आत्म विश्वासमा बृद्धि हुनेछ । अध्ययनमा भनेजस्तो प्रगति गर्न सकिने हुनाले ज्ञानको भण्डार बढ्नेछ । प्रेममय वातावरणमा समय व्यतित गर्न पाउदा मन हर्सित हुनेछ । रमाईलो यात्रा गर्ने अवसर जुर्ने तथा यात्राका क्रममा साथिभाईका साथमा मिष्टान्न भोजन ग्रहण गर्ने अवसर प्राप्त हुनेछ । बोलिको प्रभाव बढ्ने हुँदा बोलेकै भरमा कामहरु सम्पादन हुनेछन् भने मोटिभेसन,काउन्सेलिङ तथा बोलेर गर्ने व्यवसाय फस्टाएर जानेछ ।

मीन(दी.दु.थ.झ.ञ.दे.दो.च.ची):- समय उत्तम रहेकोले भौतिक सम्पतीको प्रयोग मार्फत अरुको मन आफुतिर आकर्षित पार्न सकिने छ । मन पर्ने बस्त्र तथा अलङकार उपाहार पाईनेछ । नयाँ प्रविधी तथा सामाजिक सञ्जालको प्रयोग मार्फत बौद्धिक स्तर फराकिलो बनाउन सकिने छ । राजनीति तथा समाजसेवामा जनताको काम गर्न सकिने हुनाले पद प्राप्तीको गतिलो सम्भावना रहेको छ । नयाँ तथा रचानात्मक काम गरी आर्थिक अवस्था सुदृड पार्न सकिने छ । व्यापार व्यवसाय फस्टाएर जानेछ भने पुराना कामहरु सम्पादन हुनाले थप हौसला प्राप्त हुनेछ । सामाजिक काममा होमिने हरुका लागी समयले साथ दिनेछ । अध्ययनमा सफलता प्राप्त हुनेछ भने उत्कृष्ट नतिजाले परिवारका सदस्य तथा गुरुहरु खुसि हुनेछन् । प्रमेमा रमाउन चाहनेहरुका लागी समय उत्कृष्ट रहेकोछ ।

तपाईको सातादिन शुभ रहोस् ।