टाइफाइड खोपले बालबालिका बिरामी परेपछि अनुसन्धान सुरु
![नेपालबहस संवाददाता](
https://nepalbahas.prixacdn.net/media/albums/NB_E0Qh2H6kyW.jpeg
)
नेपालबहस संवाददाता
बैशाख १६, २०७९ शनिबार ०:३०:११
![](https://nepalbahas.prixacdn.net/media/albums/khop-1_RMpF5wHlqM.jpg)
१६ बैशाख, काठमाडौं । टाइफाइड रोगविरुद्धको खोप लगाएका केही बालबालिका बिरामी परेपछि त्यसको कारणबारे “अनुसन्धान“ सुरु गरिएको छ । नेपालमा पहिलो पटक अभियानकै रूपमा सुरु गरिएको उक्त खोप लगाएपछि केही बालबालिकामा सामान्य लक्षणसहितका समस्या देखिएको हो ।
तर दुईवटा घटनामा “अलि गम्भीर प्रकृतिका“ लक्षणहरू देखा परेपछि त्यसको कारण पत्ता लगाउन लगाउन अनुसन्धान सुरु गरिएको हो । काठमाडौंस्थित एउटा प्रमुख बाल अस्पतालका अनुसार त्यहाँ हाल दैनिक १० देखि १५ जनासम्म खोप लगाएपछि ज्वरो आएको बीबीसीमा प्रकाशित समाचारमा उल्लेख गरिएको छ ।
कस्ता लक्षण देखिएका छन ?
समाचारमा जनाइए अनुसार काठमाडौंस्थित कान्ति बाल अस्पतलामा हाल खोप लगाएपछि बिरामी भएको भन्दै दिनहुँजसो बालबालिकालाई ल्याउने क्रम देखा परेको छ ।
अस्पतालका निर्देशक डा. युवानिधि बसौलाका अनुसार उक्त अस्पतालको बहिरङ्ग विभागमा दैनिक १,००० जति बालबालिका बिरामी भएर आउने गरेका छन् । उनका अनुसार तीमध्ये हाल १० देखि १५ जना टाइफाइडको खोप लगाएपछि बिरामी भएका बालबालिका छन् ।
त्यसबारे स्वास्थ्य सेवा विभागको परिवार कल्याण महाशाखा र विश्व स्वास्थ्य सङ्गठन (डब्ल्यूएचओ) लाई पनि जानकारी गराइसकेको निर्देशक डा. बसौलाले बीबीसीसँगको कुराकानीमा बताए । खोप अभियान सुरु भएको एकाध दिनदेखि नै त्यस्तो समस्या लिएर बालबालिकालाई ल्याइने क्रम चलेको उनले बताए ।
अधिकारीहरूको भनाइ के छ ?
खोप कार्यक्रम सञ्चालन गरिरहेका स्वास्थ्य अधिकारीहरूले पनि खोप लगाएपछि बालबालिका बिरामी परेको जानकारी आएको बताएको बीबीसीले जनाएको छ । यद्यपि उनीहरू त्यस्ता बालबालिकामध्ये अधिकांशमा खोपका कारण हुने सामान्य लक्षण देखापरेको समाचारमा उल्लेख छ ।
स्वास्थ्य सेवा विभागको परिवार कल्याण महाशाखा प्रमुख डा. विवेककुमार लालले “विभिन्न स्थानबाट खोप लगाएपछि स्वास्थ्य समस्या देखिएको“ भन्ने खबर आएको बताए । तर त्यसमध्ये अधिकांश सामान्य लक्षण भएको उनको भनाइ छ । तर नेपालमा खोप ऐनले समेत खोपपछि देखिने त्यस्ता लक्षणहरूलाई निरन्तर निगरानी गर्दै त्यसको कारण खोज्नुपर्ने व्यवस्था गरेको उनको भनाइ छ ।
कानुनले नै नेपालमा सञ्चालित खोप लगाएपछि हुने त्यस्ता दुष्प्रभावको अभिलेख राख्ने तथा जानकारी दिने व्यवस्था गरेको लालले बताए । कानुनअनुसार नै खोप कार्यक्रम सञ्चालन पूर्वदेखि विज्ञ टोलीको गठन हुने र त्यसले खोप सञ्चालनपछि उत्पन्न यस्ता परिस्थितिमा अनुसन्धान गर्ने लाल बताउँछन् । अहिलेका हकमा पनि त्यस्तै गरिने उनको भनाइ छ ।
यो खोप अनुसन्धानका क्रममा नआएको र डब्ल्यूएचओले प्रयोग अनुमति दिइसकेको तथा कतिपयले प्रयोग गरिरहेकाले भ्रममा नपर्न उनले बीबीसीसँग कुराकानी गर्दै सबैलाई आग्रह गरेका छन् ।
के भन्छन् विज्ञ ?
नेपालमा हाल प्रयोग भइरहेको टाइफाइडविरुद्धको खोपको अन्तर्राष्ट्रिय अनुसन्धानमा संलग्न तथा त्यसको प्रमुख अध्ययनकर्ता चिकित्सक डा. बुद्ध बस्न्यात “लाखौँलाई खोप दिँदा केहीमा असर देखिने“ बताएका छन् । तर उनका भनाइमा गम्भीर प्रकृतिका असरहरू देखिनुको कारण खोप नहुन सक्ने हुन्छ ।
उनले भने, “धेरैलाई दिन थालेपछि अरू रोगका कारण पनि कतिपय असर हुन सक्छन् । भ्याक्सीनले नै ग¥यो भनेर किटेर भन्न सकिँदैन र गरेन पनि भन्न सकिँदैन।“ यद्यपि उनी गम्भीर प्रकृतिका असरहरू उक्त खोपले पारेको भन्नेमा विश्वास गर्दैनन् । त्यो बालबालिकामा पहिलेदेखि नै भइरहेको अन्य समस्याका कारण उत्पन्न भएको हुनसक्ने उनको मत छ ।
उनले भने, “यसले ध्यानाकर्षित गर्नु महत्त्वपूर्ण छ तर भ्याक्सीनले नै ग¥यो भन्ने निष्कर्षणमा पुग्नु हुँदैन।“ “यसलाई गम्भीरतापूर्वक लिनुपर्छ र त्यसलाई अध्ययनका रूपमा लिनुपर्छ। अनि खोप लगाउने कार्यलाई जारी राख्नुपर्छ।“
कुन खोप दिइँदैछ ?
नेपालले गाभी विश्वव्यापी खोप सञ्जाल, विश्व स्वास्थ्य सङ्गठन, यूनिसेफलगायत विभिन्न साझेदारमार्फत् टाइफाइड कन्जुगेट खोप (टीसीभी) दिन सुरु गरेको हो । परिवार कल्याण महाशाखा प्रमुख लालका अनुसार हाल बायोलजिकल इलिमिटेड र भारत बायोटेक कम्पनीका खोपहरू उपलब्ध छन् ।
उनले भने, “यी दुवै खोपहरू विश्व स्वास्थ्य सङ्गठनबाट स्वीकृति प्राप्त खोपहरू हुन् र नेपालमा अहिले चाहिँ बायोलजिकल इलिमिटेडको खोप प्राप्त भएको छ । “ राष्ट्रिय खोप कार्यक्रमअन्तर्गत टाइफाइड खोपका निम्ति गाभीको सहयोग प्राप्त गर्ने नेपाल चौथो मुलुक हो ।
यसअघि पाकिस्तान, लाइबेरिया र जिम्बाब्वेले गाभी र उसका साझेदार संस्थाबाट उक्त खोप सहयोगमा प्राप्त गरिसकेको यूनिसेफ नेपालले खोप अभियान सुरु हुने बेलामा जारी गरेको वक्तव्यमा उल्लेख छ ।
नेपालमा कति जनालाई हुन्छ टाइफोइड ?
अहिले नेपालमा कुल ५० हजार खोप केन्द्रबाट टाइफाइडको खोप दिने कार्य जारी रहेको अधिकारीहरूले बताएका छन् । यो अभियानमा १५ महिनादेखि १५ वर्षसम्मका करिब ७५ लाख बालबालिका समेटिने गर्छन् । त्यसमध्ये करिब दुईतिहाइ जतिले खोप पाइसकेको बताइएको छ ।
विभिन्न सरकारी तथा गैरसरकारी संस्थाहरूका विवरण अनुसार नेपालमा बर्सेनि टाइफाइडबाट करिब चार लाख ५० हजार व्यक्तिहरू सङ्क्रमित हुने गर्छन् । त्यसमध्ये कम्तीमा एक हजार मानिसहरूको उक्त रोगका कारण निधन हुने गर्छ । मृत्यु हुनेमध्ये ६० प्रतिशत बालबालिका हुने गरेको बताइन्छ ।
के हो टाइफोइड ?
साल्मोनेला टाइफाई नामक ब्याक्टेरियाका कारण टाइफाइड हुन्छ । उक्त ब्याक्टेरियाले दूषित पारेको खानेकुरा र पानीबाट यो रोग सर्छ । सरसफाइ कम हुने र स्वच्छ पानीको अभाव हुने स्थानमा टाइफाइड फैलिने भएकाले यसलाई गरिबीको रोग पनि भनिन्छ ।
टाइफाइडका लक्षण यस्ता हुन्छन्
लामो समयसम्म ज्वरो आउनु
टाउको दुख्नु
वाकवाक लाग्नु
भोक हराउनु
कब्जियत हुनु वा कहिलेकाहीँ पखाला लाग्नु
टाइफाइडले घातक जटिलता निम्त्याउन सक्छ । टाइफाइड भएका १०० जनामध्ये एक जनामा आन्तरिक रक्तश्राव भएर ज्यान जान सक्छ । विश्वस्वास्थ्य सङ्गठनका अनुसार टाइफाइड गराउने जीवाणुले एन्टिबायोटिकहरूविरुद्ध प्रतिरोध क्षमता विकास गर्न थालेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपनर्सहरुमाथिको दमन आखिर कहिलेसम्म ?
जेठ ८, २०८० सोमबार
अषाढ मै रौतहट पुर्ण खोप जिल्ला घोषणा हुने
जेठ ६, २०८० शनिबार
सबै अस्पतालको उपकरण जाँच १५ दिनभित्र गर्न स्वास्थ्यमन्त्री बस्नेतको निर्देशन
जेठ ५, २०८० शुक्रबार
एआईजी कि हबल्दार मेजर ?
नेपालबहस संवाददाता
असार १८, २०८१ मंगलबार
सभापति देउवासँग अध्यक्ष नेपालको भेट
नेपालबहस संवाददाता
असार १८, २०८१ मंगलबार
सिंहदरबार पुगेर ओलीले प्रचण्डलाई सुनाए देउवाका कुरा
नेपालबहस संवाददाता
असार १६, २०८१ आइतबार
एआईजी कि हबल्दार मेजर ?
असार १८, २०८१ मंगलबार
सभापति देउवासँग अध्यक्ष नेपालको भेट
असार १८, २०८१ मंगलबार
सत्ता सजिलै नछाड्ने प्रधानमन्त्री प्रचण्डको संकेत, अब कसरी गठन हुन्छ नयाँ सरकार ?
असार १९, २०८१ बुधबार
बीमा रकमको लोभमा आफ्नै पसल चोरीको अभिनय गर्ने सञ्चालकसहित ५ जना पक्राउ
असार १९, २०८१ बुधबार
रास्वपाको केन्द्रीय समिति बैठक शुरु, महामन्त्री ढकालको प्रतिवेदनमाथि छलफल हुँदै
असार १९, २०८१ बुधबार
सत्ता सजिलै नछाड्ने प्रधानमन्त्री प्रचण्डको संकेत, अब कसरी गठन हुन्छ नयाँ सरकार ?
असार १९, २०८१ बुधबार
कोलम्बिया र ब्राजिल कोपा अमेरिकाको क्वाटरफाइनलमा
असार १९, २०८१ बुधबार
युरोकपमा क्वाटरफाइनलको समीकरण पुरा
असार १९, २०८१ बुधबार
एकीकृत समाजवादीको महाधिवेशनमा आज छलफलबाट आएका सुझावलाई प्रस्तुत गरिँदै
असार १९, २०८१ बुधबार