मतदान स्थलमा मोबाइल लिन निषेध : आयोग

२० बैशाख, काठमाडाैं । निर्वाचन आयोगले मतदान स्थलमा मोबाइल लिन निषेध गरेको छ । यही वैशाख ३० गते स्थानीय तह निर्वाचनमा आयोगले मतदान स्थलमा माेबाइल लिन नपाइने जनाएकाे हाे ।

आयोगका अनुसार निर्वाचनका लागि मतदान अधिकृतले स्थानीय तह निर्वाचन निर्देशिका, २०७८ को अनुसूची-३३ बमोजिमको हुने किसिमले मतदान केन्द्र बनाउनुपर्छ ।

मतदाता प्रवेश गर्ने द्वारमा ‘भित्र’ र मतदाता बाहिर निस्कने द्वारमा ‘बाहिर’ लेखिएको कार्ड सबैले देख्ने गरी टाँस्नुपर्ने,  मतदान केन्द्रको बाहिरपट्टि सबैले देख्ने गरी धूम्रपान निषेधित क्षेत्र तथा हातहतियार निषेध लेखिएको कार्ड झुन्ड्याउनुपर्ने आयोगले जनाएकाे छ ।

मतदान केन्द्र बनाउँदा स्थानीय व्यक्तिको सहयोग लिन तथा त्यस केन्द्रमा खटिएका कर्मचारी तथा सुरक्षाकर्मीलाई सो काममा लगाउन सकिने पनि आयोगले जनाएकाे छ। केन्द्र बनाउँदा स्थानीयस्तरमा उपलब्ध हुने डोरी, बाँस, घोचा, पालजस्ता सामग्रीको उपयोग गर्न सकिने बताइएकाे छ ।

यसरी निर्माण गरिएको मतदान केन्द्रमा मतदान कार्य सञ्चालनका लागि आवश्यक पर्ने टेबुल, बेन्च, कुर्सीलगायत सामग्रीको व्यवस्था मिलाउनुपर्छ ।

यस्तो हुनुपर्छ मतदान केन्द्र :