राजेशमान भन्छन्:- जसपाको नेतृत्वमा वीरगञ्जकाे विकास र समृद्धि हुन्छ !

२३ वैशाख, वीरगञ्ज । जनता समाजवादी पार्टी नेपालले वीरगञ्ज महानगरपालिका वडा नम्बर २३ को प्रसौनी सबैठवा गाउँमा शुक्रबार घरदैलो कार्यक्रम गरेको छ ।

जनता समाजवादी पार्टी नेपालको तर्फबाट वडा अध्यक्ष पदका उम्मेदवार जमुना प्रसाद यादवको नेतृत्वमा गरिएको घरदैलोमा सङ्घीय सांसद् प्रदीप यादव, प्रदेश सांसद् एवं पूर्वमन्त्री करिमा बेगम, प्रदेश सांसद् जनत अन्सारी, जसपाका नेता मुकेश द्विवेदी, प्रेमबाबु पटेल, लगायत सयौँ नेता, युवा, कार्यकर्ता र स्थानीयहरुको सहभागिता रहेको थियो ।

जसपाको तर्फबाट वीरगञ्ज महानगरपालिका मेयर उमेदवार राजेशमान सिंहले घरदैलो कार्यक्रममा स्थानीयहरुसँग भेटघाट गर्दै वैशाख ३० गते हुने स्थानीय तहको निर्वाचनमा छाता छापमा मात्र मतदान गर्ने आग्रह गरे ।

जसपाको नेतृत्वमा वीरगञ्जले विकास गर्न सक्ने र समृद्धि आउने बताउँदै स्थानीयहरुलाई पार्टीका सम्पूर्ण उम्मेदवारलाई अत्याधिक बहुमतका साथ जिताएर पठाउने समेत नेता सिंहको अनुरोध थियो ।