धनुषाको जनकनन्दनी गाउँपालिका अध्यक्ष शेखको निधन

२५ वैशाख, जनकपुरधाम । धनुषाको जनकनन्दनी गाउँपालिकाका अध्यक्ष अब्दुल बारिक शेखको आफ्नै निवासमा निधन भएको छ । शनिबार राती उनको ७० वर्षको उमेरमा निधन भएको हो ।

फोक्सोमा क्यान्सर भएर चार वर्षदेखि उपचार गराइरहेका उनलाई दुई महिनादेखि पित्तथैलीमा पत्थरी समेत भएको थियो । तर सुगर हाई भएकाले शल्यकृया हुन सकेको थिएन ।

उनी नेपाली कांग्रेसबाट २०७४ सालको निर्वाचनमा गाउँपालिका अध्यक्षमा निर्वाचित भएका थिए ।