सरकारद्वारा संघीय संसद अधिवेशन बोलाउन राष्ट्रपतिसमक्ष सिफारिस

२५ वैशाख, काठमाडौं । सरकारले आउँदो जेठ ३ गतेका लागि संसद् अधिवेशन आह्वान गर्न राष्ट्रपति विद्यादेवी भण्डारीसमक्ष सिफारिस गर्ने निर्णय गरेको छ ।

आइतबार बसेको मन्त्रिपरिषद बैठकले जेठ ३ गते दिउँसो ४ बजे बैठक बस्ने गरी संघीय संसदको अधिवेशन आह्वान गर्न राष्ट्रपतिसमक्ष सिफारिस गरेको हो । सरकारको सिफारिसमा राष्ट्रपतिले संघीय संसदको अधिवेशन आह्वान गर्ने कानुनी व्यवस्था छ ।

वैशाख ३० मा स्थानीय तहको निर्वाचन सकिने जेठ १५ मा बार्षिक बजेट समेत ल्याउनुपर्ने भएकाले राष्ट्रपतिसमक्ष अधिवेशन आह्वानको सिफारिस गरेको हो । अर्थमन्त्रीलयले आगामी आर्थिक वर्षको बजेट तयारी गरिरहेको छ ।