लखौरी मतदान केन्द्रमा विवाद, प्रहरीद्धारा २५ राउण्ड हवाई फायर

२ जेठ, धनुषा । धनुषाकोएक मतगणना स्थलमा विवाद भएपछि प्रहरीले २५ राउण्ड हवाई फायर गरेको छ । धनौजी गाउँपालिका लखौरी मतदान केन्द्रमा खसेको मतपत्र भन्दा बढी मतपत्र पाएपछि विवाद भएपछि प्रहरीले स्थिति नियन्त्रणमा लिन २५ राउण्ड हवाई फायर र १ राउण्ड अश्रुग्यास प्रहार गरेको हो।

वडा नम्बर-१ को मतगणना हुँदा खसेको भन्दा बढी मतपत्र पाइएको स्थानीयले आरोप लगाएपछि विवाद भएको बताइएको छ । धनौजीको लखौरी केन्द्रमा कुल एक हजार ६८९ मत खसेको बताइएकाे छ ।

तर गणना हुँदा मतपेटिकामा खसेको मत भन्दा १५ मतपत्र बढी पाइएको हो। मतपेटिका परिवर्तन गरिएको भन्दै अहिले स्थानीयले प्रदर्शनमा उत्रेपछि अहिले मतगणना स्थगित गरिएको छ।