पर्साको कालिकामाई २ को वडाध्यक्षमा पुन: चौरसिया विजयी

आबिद हुसेन

जेठ २, २०७९ मंगलबार ३:३६:२४

२ जेठ, वीरगंज । पर्साको कालिकामाई गाउँपालिका वडा नं. २ मा वडाध्यक्षमा पुनस् सोनालाल चौरसिया विजयी भएका छन् ।

नेकपा एमालेका उम्मेदवार चौरसिया ५७२ मत ल्याएर विजयी भएका छन भने उनका निकटतम प्रतिस्पर्धि नेकपा एकीकृत समाजवादी ‘नेकपा एस’ का डा. दिलिप कुशवाहा ५१७ मत ल्याएका छन् ।

चौरसिया ५५ मत अन्तरले विजयी भएका हुन् । २०७४ सालको स्थानिय तह निर्वाचनमा चौरसिया जनता दलबाट वडाध्यक्षमा निर्वाचित भएका थिए ।

नेपाली कांग्रेसका रामराज चौरसिया ५०७ मत ल्याएका छन भने लोकतान्त्रिक समाजवादी पार्टी ‘लोसपा’ का माओ कुशवाहा ४५३ मत, जसपाका ताजिन्द्र साह कलवार २७२ मत र नेपाल सुशासन पार्टीका पप्पु खाँ २४७ मत ल्याएका छन् ।

आबिद हुसेन

आबिद हुसेन नेपालबहस डटकमका मधेश प्रदेश प्रमुख हुन् । बिगत डेढ दशकदेखि विभिन्न सञ्चारमाध्यममा सक्रिय पत्रकारिता गर्दै आएका हुसेनले एफएम रेडियो, टेलिभिजन एवं पत्रपत्रिकाहरुमा आबद्ध रही काम गर्दै आएका छन् । हुसेन यसअघि सगरमाथा टेलिभिजन, क्राइम टुडे मासिकको बीरगञ्ज संवाददाता तथा बीरगञ्जबाट प्रकाशित हुने दिशानिर्देश अनलाइनमा सम्बद्ध रहेका छन् ।

लेखकबाट थप