पोखरा महानगर : मेयर पदमा धनराज आचार्यले मतान्तर बढाउँदै

३ जेठ, काठमाडौं । पोखरा महानगरपालिकाको मेयर पदमा धनराज आचार्यले मतान्तर बढाउँदै लगेका छन् । गठबन्धनका तर्फबाट नेकपा एकीकृत समाजवादीका उम्मेदवार आचार्यले नेकपा एमालेका उम्मेदवार कृष्ण थापासँगको मतान्तर १ हजार ३५५ पु¥याएका छन् ।

हालसम्म २२ हजार ५६२ मत गणना सम्पन्न हुँदा आचार्यले ९ हजार ३९५ मत प्राप्त गरेर अग्रता कायम राखेका हुन् । उनलाई एमालेका थापाले ८ हजार ४० मत ल्याएर पछ्यारहेका छन् ।त्यस्तै राप्रपाका शंकर खरालले १ हजार ११७ मत प्राप्त गरेका छन् ।

यसैगरी, उपमेयरमा नेपाली कांग्रेसकी कोपिला रानाभाटले अग्रता कायम राखेकी छिन्। रानाभाटले एमालेकी मञ्जुदेवी गुरुङसँगको मतान्तर ५ सय ६५ पु¥याएका छन् ।

रानाभाटले ९ हजार ६६७ मत प्राप्त गरेका छन्, भने एमालेकी गुरुङले ९ हजार १०२ मत ल्याएर पछ्याईरहेकी छिन् । यस्तै, राप्रपाकी रञ्जना सेनले ९३३ मत प्राप्त गरेकी छिन् ।