वीरगन्जको वडा नम्बर ३० मा जसपाका मनोज यादव विजयी

३ जेठ, वीरगन्ज । वीरगन्ज महानगरपालिकाको वडा नम्बर ३० मा पनि जनता समाजवादी पार्टी ‘जसपा’ ले जित हात पारेको छ । वडा नम्बर ३० मा जसपाका मनोज कुमार यादव वडा अध्यक्षमा विजयी भएका हुन् ।

मंगलबारबार सकिएको उक्त वडाको मतगणनाको अन्तिम नतिजा अनुसार , नेपाली काँग्रेसका उम्मेदवार अली हुसेन देवानलाइ ५५ मतको अन्तरले पछि पार्दै जसपाका यादव वडाअध्यक्षमा बिजयी भएका हुन् ।

यादवले ६ सय ४१ मत पाएका हुन् भने उनका निकटतम प्रतिस्पर्धी कांग्रेसका देवानले ५ सय ८६ मत पाएका छन् । यसअघिका वडा अध्यक्ष एंव एमालेका उम्मेदवार अमानत मियाँ भने ५२४ मत प्राप्त गरि तेश्रो स्थानमा रहेका छन् । योसंगै जसपाले वीरगन्ज महानगरमा अहिले सम्म ३ वटा वडामा जित हासिल गरिसकेको छ ।